غزہ جنگ کی کمانڈ کس کے ہاتھ میں ہے؟ صیہونی اخبار کا انکشاف

🗓️ 17 اکتوبر 2023

سچ خبریں: صہیونی اخبار نے اپنی ایک رپورٹ میں دعویٰ کیا ہے کہ موجودہ حالات میں امریکہ نے غزہ میں جنگ کی کمان سنبھال لی ہے جس کی وجہ سے غزہ کے خلاف حملوں کی شدت میں کمی آئی ہے۔

عبرانی زبان کے اخبار Yediot Aharonot نے اپنی ایک رپورٹ میں دعویٰ کیا ہے کہ موجودہ حالات میں امریکہ نے جنگ کی کمان سنبھال لی ہے۔

یہ بھی پڑھیں: میڈیا اور غزہ جنگ کی غبار؛کیمروں سے مارے جانے والے فلسطینی

اس رپورٹ کے تسلسل میں کہا گیا ہے کہ ہم اب سفارت کاری کے مرحلے میں ہیں، اسی وجہ سے غزہ پر فوجی حملہ مؤخر کر دیا گیا ہے۔

اس اخبار نے ذکر کیا ہے کہ بائیڈن کے مقبوضہ فلسطین کے دورے کے دوران غزہ پر کوئی زمینی حملہ نہیں کیا جائے گا،بائیڈن کل بروز بدھ مقبوضہ فلسطین میں داخل ہونے جا رہے ہیں۔

حالیہ دنوں میں طوفان الاقصیٰ کاروائی میں فلسطینی مزاحمت کاروں کے ہاتھوں ذلت آمیز فوجی، سکیورٹی اور انٹیلی جنس کی ناکامی کے جواب میں صیہونی حکومت نے غزہ کی پٹی کے رہائشی اور اہم انفراسٹرکچر کو انتہائی طاقتور اور جدید بموں نیز میزائلوں کے ذریعے وحشیانہ حملوں سے نشانہ بنایا ہے۔

مزید پڑھیں: کیا غزہ جنگ دوسرے ممالک تک بھی پھیل سکتی ہے؟

قابل ذکر ہے کہ صییونیوں نے غزہ میں ایسی حرکتیں کی ہیں کہ درندوں کے سر بھی شرم سے جھک گئے ہیں، معصوم بچے کو زندہ جلانے کی کوشش کرتے ہیں اور پھر خود کو مظلوم ظاہر کرنے کے در پے ہیں۔