🗓️ 11 مئی 2023

سچ خبریں:روسی وزارت خارجہ کی ترجمان نے کہا کہ ہم نے پاکستان کے سابق وزیر اعظم کی گرفتاری کے بعد اس ملک میں پیش آنے والی صورتحال اور سیاسی کشیدگی پر نظر رکھی ہوئی ہے۔

روسی وزارت خارجہ کی ترجمان نے بدھ کو کہا کہ ماسکو پاکستان میں پیش آنے والی حالیہ صورتحال کا بغور جائزہ لے رہا ہے، خبر رساں ذرائع کے مطابق روسی وزارت خارجہ کی ترجمان ماریہ زاخارووا نے ٹویٹ کیا کہ ہم پاکستان کے سابق وزیر اعظم عمران خان کی گرفتاری سے متعلق صورتحال کی پیروی کر رہے ہیں۔

انہوں نے مزید کہا کہ ہم تمام فریقین پر زور دیتے ہیں کہ وہ اختلافات کو پرامن طریقے سے حل کریں اور ہمیں امید ہے کہ احتجاج سنگین تنازعہ کی طرف نہیں جائے گا نیز اس ملک کی صورتحال جلد معمول پر آجائے گی۔

درایں اثنا بدھ کی شام ذرائع ابلاغ نے خبر دی ہے کہ ملک بھر میں سیاسی کشیدگی کے نتیجہ میں ہونے والے پرتشدد مظاہروں کے باعث میں پاکستان کے سب سے زیادہ آبادی والے شہروں میں سے ایک، پنجاب میں تمام تعلیمی ادارے اگلے دو دن کے لیے بند رہیں گے جس نے کو جنم دیا ہے، یاد رہے کہ اب تک مظاہرین اور سکیورٹی فورسز کے درمیان جھڑپوں کے دوران متعدد افراد ہلاک اور سیکڑوں زخمی ہوچکے ہیں۔

انٹیل ریپبلک ویب سائٹ نے اس حوالے سے خبر دی ہے کہ کرپشن کے الزام میں گرفتار ہونے والے عمران خان کا کہنا ہے کہ ان کی گرفتاری سیاسی مقاصد کی وجہ سے ہوئی ہے تاہم ان کی گرفتاری کے بعد ہونے والے مظاہروں نے پورے پاکستان کو اپنی لپیٹ میں لے لیا ہے۔