عراق میں امریکی فوجی اڈے پر ڈرون حملہ

?️ 29 اپریل 2021

سچ خبریں:عراقی ذرائع نے اطلاع دی ہے کہ ایک ڈرون نے عراق میں "بلد” فوجی اڈے پر حملہ کیا جہاں امریکی قابض فوجیں موجود ہیں۔
باخبر عراقی ذرائع نے اطلاع دی ہے کہ عراق میں واقع بلد اڈہ ، جس پر امریکی فوجیوں کا قبضہ ہے ، کو ڈرون نے نشانہ بنایا، صابرین نیوز نے مقامی وقت کے مطابق بدھ کی شام بلد بیس پر دھماکے کی آواز کی اطلاع دی اور اس حملے کے بارے میں کچھ منٹ بعد لکھاکہ ایک نامعلوم عراقی مزاحمتی گروپ نے بلد ہوائی اڈے پر حملے کی ذمہ داری قبول کی ہے۔

بیان میں کہا گیا ہے کہ لارڈ آف مجاہدین کے نام سے بلد اڈے پر موجود امریکی ایئر فورس کی برانچ کو حال ہی میں ایک ڈرون نے نشانہ بنایا جس نے اپنے نشانے کو درست طریقہ سے مارا،واضح رہے کہ عراق کے صوبہ صلاح الدین میں واقع بلد ایئر بیس ، بغداد سے 62کلومیٹر کی دوری پر شمال میں واقع ،اس ملک میں سب سے بڑا فوجی اڈہ ہے جو امریکہ کے زیر قبضہ ہے جہاں جنگی طیاروں کو رکھا جاتا ہے،تاہم اس حملہ ابھی تک کسی جانی یا مالی نقصان کی اطلاع منظر عام پر نہیں آئی ہے۔

یادرہے کہ گذشتہ سال جنوری میں عراق میں قابض امریکیوں کے ہاتھوں ایرانی سپا ہ پاسداران کی قدس فورس کے کمانڈر جنرل قاسم سلیمانی اور عراقی عوامی مزاحمتی تنظیم الحشد الشعبی کے نائب سربراہ ابو مہدی المہندس کے بزدلانہ طور پرقتل کے بعد عراق پارلیمنٹ نے اس ملک کے امریکہ سمیت تمام غیر ملکی افواج کے فوری طور پر نکل جانے کے سلسلہ میں ایک بل پاس کیا تھا جس کے بعد عراق میں تمام غیر ملکی افواج کی موجودگی کا کوئی قانونی جواز نہیں رہ جاتا ہے لیکن اس کے باوجود امریکہ ا س ملک سے جانے کو تیار نہیں جس کو لے کر عراق عوام میں غم وغصہ پایا جاتا ہے اور اس کے نتیجہ میں آئے دن اس ملک میں امریکی فوجی قافلوں اور فوجی اڈوں کو حملوں کا سامنا کرنا پڑ رہا ہے تاہم امریکہ پھر بھی نہایت ہی ڈیٹھائی کا مظاہرہ کرتے ہوئے عراق کے متعد شہروں پر قابض ہے۔