عالمی بینک کا افغانستان کو1ارب ڈالر امداد دینے کا اعلان

🗓️ 4 مارچ 2022

سچ خبریں:عالمی بینک نے اعلان کیا ہے کہ وہ انسانی امداد کے طور پر افغانستان کوا یک ارب ڈالر دے گا۔
عالمی بینک نے افغانستان کو انسانی امداد کی مد میں 1 ارب ڈالرز دینے کا اعلان کر دیا ہے،عالمی بینک کا اس حوالے سے کہنا ہے کہ یہ 1 ارب ڈالرز کی رقم افغانستان میں یو این ایجنسیز اور این جی اوز کے ذریعے خرچ کی جائے گی۔

عالمی بینک کا اس ضمن میں یہ بھی کہنا ہے کہ یہ امدادی رقم افغانستان کی حکومت کے کنٹرول سے باہر ہو گی،واضح رہے کہ افغانستان میں گزشتہ برس طالبان کے کنٹرول سنبھالنے کے بعد ورلڈ بینک نے اس ملک کے لیے امداد بند کر دی تھی،عالمی بینک نے طالبان کے کنٹرول کے بعد افغانستان کی صورتِ حال انتہائی تشویش ناک قرار دی تھی۔