صیہونی وزیر اعظم کی ایران کے خلاف ہرزہ سرائی

?️ 12 اپریل 2021

سچ خبریں:صہیونی وزیر اعظم نے اس حکومت کے فوجی اور انٹلی جنس عہدیداروں کی موجودگی میں منعقدہ ایک تقریب میں ، ایران کا مقابلہ کرنا اس حکومت کا ایک بہت بڑا کام قراردیا۔
روس ٹوڈے کی رپورٹ کے مطابق ، اسرائیلی وزیر اعظم بنیامین نیتن یاھو نے اتوار کی رات کہا کہ ایران کا مقابلہ کرنا حکومت کا سب سے بڑا کام ہے، نیتن یاھو نے جعلی اسرائیلی حکومت کے قیام کی 72 ویں سالگرہ کے موقع پر فوجی اور انٹلی جنس عہدیداروں کے ساتھ ایک تقریب کے دوران مزید کہاکہ ایران اور اس کی پراکسی افواج کے خلاف لڑائی نیز اس ملک کو غیر ایٹمی بنانا ایک عظیم مشن ہے، لیکن آج کی صورتحال کا مطلب یہ نہیں ہے کہ کل ویسا ہی ہوگا۔

ادھر اسرائیلی وزیر جنگ بنی گانٹز نے کہا کہ یہودی ریاست کو لاحق کسی بھی خطرے کا مقابلہ کرنے کے لئے حکومت اپنے آپ کو مضبوط بنائے گی، انہوں نے مزید کہاکہ ہمیں مستقبل قریب میں مختلف خطرات اور چیلنجوں کا سامنا کرنا پڑے گا۔