صیہونی حکومت کے فوجی اڈے سے 60 ہزار کارتوسوں کی چوری کا انکشاف

سچ خبریں: اسرائیلی اخبار کی رپورٹ کے مطابق، صیہونی فوجیوں نے منگل کے روز معمولی معائنے کے دوران جنوبی مقبوضہ علاقوں کے نقیب خطے میں واقع "تزیلیم” فوجی اڈے سے درجنوں کارتوشوں کے ڈبے غائب ہونے کا انکشاف کیا۔

جائزے کے مطابق، یہ چوری گزشتہ چند دنوں میں کی گئی ہے، لیکن اس کا دقیق وقت ابھی تک واضح نہیں ہے۔ صیہونی حکومتکی فوج نے اعلان کیا ہے کہ ملٹری پولیس نے اس معاملے میں تحقیقات کا آغاز کر دیا ہے۔

اس سے قبل بھی مقبوضہ علاقوں میں صیہونی حکومتکے مختلف فوجی اڈوں سے اسلحہ اور گولہ بارود کی متعدد چوریوں کے واقعات سامنے آ چکے ہیں۔

ستمبر 2023 میں، اسی اڈے کے محافظوں کی غیر موجودگی کے دوران ایک مشین گن چوری ہوئی تھی۔ اسی طرح، دسمبر 2020 میں تزیلیم اڈے سے 93 ہزار کارتوس چوری ہوئے تھے، جبکہ تحقیقات سے پتہ چلا تھا کہ یہ چوری اسی اڈے کے فوجیوں کی ملی بھگت سے انجام دی گئی تھی۔