صیہونی حکومت کو مستقبل قریب میں بہت سی حیرتوں کا سامنا کرنا پڑے گا:جہاد اسلامی

?️ 24 اپریل 2023

سچ خبریں:فلسطین کی جہاد اسلامی تحریک کے سیاسی دفتر کے رکن نے کہا ہے کہ مزاحمتی قوتوں کے ساتھ مستقبل میں کسی بھی تصادم کی صیہونی حکومت کی تباہی یقینی ہے۔

العہد نیوز ایجنسی کی رپورٹ کے مطابق فلسطین کی جہاد اسلامی موومنٹ کے سیاسی دفتر کے رکن احمد المدلل نے اس بات پر زور دیا کہ تمام نشانیاں اور حسابات اس بات کی نشاندہی کرتے ہیں کہ صیہونی حکومت کی تباہی یقینی ہے،انہوں نے مزید کہا کہ ہمیں مستقبل قریب کا سامنا ہے جس میں صیہونی حکومت کے خلاف اور فلسطینی قوم، مزاحمتی تحریک اور فلسطینی کاز کے فائدے میں بہت حریت انگیز واقعات دیکھنے کو ملیں گے۔

یاد رہے کہ اس سے قبل تحریک حماس کے ترجمان حازم قاسم نے کہا تھا کہ صہیونی دشمن کی طرف سے حماس کے رہنماؤں کے قتل کی پالیسی کو فعال کرنے کی دھمکیاں اپنی شبیہ کو بہتر کرنے کی ناکام کوشش ہے،انہوں نے مزید کہا کہ صیہونی ایسا اس وقت کر رہے ہیں جبکہ ہمارے انقلابی عوام کی طاقت اور مزاحمتی محاذوں کی تعداد میں اضافہ ہوا ہے۔

قاسم نے کہا کہ دشمن کے ہاتھ دہشت گردانہ کاروائیوں کے لیے کھلے نہیں ہیں اور اسرائیل کی کسی بھی حماقت کے خلاف مزاحمت کا جواب مضبوط اور وسیع تر ہوگا، ہم ان دھمکیوں سے کبھی خوفزدہ نہیں ہوں گے اور اپنی صیہونی مخالف مہم جاری رکھیں گے۔

یاد رہے کہ حال ہی میں صیہونی حکومت کے متعدد جرنیلوں اور سابق افسران نے نیتن یاہو سے اسلامی مزاحمتی تحریک حماس کے سیاسی دفتر کے نائب سربراہ صالح العروری کو قتل کرنے کا مطالبہ کیا ہے نیز تل ابیب کی طرف سے مزاحمتی قوتوں کے خلاف دھمکیوں کا سلسلہ جاری ہے جب کہ صیہونی حکومت کو پہلے سے زیادہ اندرونی بحران کا سامنا ہے اور تل ابیب میں ہزاروں افراد اس حکومت کے وزیر اعظم بنیامین نیتن یاہو کی طرف سے کی گئی عدالتی اصلاحات کے خلاف احتجاج کر رہے ہیں۔