سچ خبریں:فلسطینی مزاحمتی تنظیم حماس نے ایک بار پھر صیہونی جیل میں قید بیمار اور معمر فلسطینی شہری کی رہائی کا مطالبہ کیا ہے۔
مرکزاطلاعات فلسطین کے مطابق حماس نے ایک بار پھر بیمار اور معمر فلسطینی قیدی کی رہائی کا مطالبہ کیا،حماس کے پولیٹیکل بیورو کے رکن اور اس تحریک کے شہداء، زخمیوں اور قیدیوں کے امور کے نگراں دفتر کے سربراہ نے اس بات پر زور دیا کہ ان کی تحریک صیہونی جیل میں قید ناصر ابو حامد کی تشویشناک جسمانی حالت پر گہری تشویش کے ساتھ نظر رکھے ہوئے ہے ۔
انہوں نے صیہونی جیلوں میں قید فلسطینیوں کی زندگی اور صحت کے لیے قابض حکومت کو پوری طرح ذمہ دار سمجھتی ہے، ظاہر جبرین نے ایک پریس بیان میں کہا کہ فلسطینی مجاہدین قیدیوں کا مسئلہ اور ان کی آزادی آج بھی فلسطینی قوم کی جدوجہد اور اس سرزمین میں فلسطینی قوم کے انتفاضہ کی تجدید کا سب سے بڑا ہدف ہے۔
جبارین نے کہا کہ حماس ایک بار پھر بیمار اور معمر فلسطینی قیدیوں کی رہائی کے حوالے سے اپنی انسانی تجویز کو دہراتی ہے اور صہیونی دشمن سے کہتی ہے کہ اس موقع کو ضائع ہونے سے پہلے اس سے فائدہ اٹھائیں، انہوں نے فلسطینی قوم ، اس کے تمام گروہوں ، متحرک دھاروں ، قانونی اداروں، انسان دوست اور دنیا کے آزاد لوگوں سے مطالبہ کیا کہ وہ صیہونی دشمن کی جارحیت کے نتیجے میں بیمار اور معمر فلسطینی قیدیوں کو بتدریج موت کے خطرے سے بچانے کے لیے فوری اقدام کریں۔