صیہونیوں کی ایک اور درندگی

?️ 20 ستمبر 2023

سچ خبریں: فلسطینی قیدیوں کے نگراں کلب نے اعلان کیا ہے کہ صیہونی حکومت کی جیلوں میں خواتین قیدیوں کی تعداد 37 ہو گئی ہے۔

فلسطینی ذرائع ابلاغ کی رپورٹ کے مطابق فلسطینی قیدیوں کے نگراں کلب نے اعلان کیا ہے کہ صیہونی حکومت کی جیلوں میں خواتین قیدیوں کی تعداد 37 ہو گئی ہے۔

یہ بھی پڑھیں: صیہونیوں کا منصوبہ بند طریقے سے فلسطینی خواتین قیدیوں پر تشدد

مذکورہ مرکز نے اس بات پر زور دیا کہ صہیونی عدالت نے 1948 کے مقبوضہ علاقوں میں رہنے والی ایک فلسطینی خاتون آیت خطیب کو 4 سال قید اور 25 ہزار شیکل (صیہونی حکومت کی کرنسی) کے مالی جرمانے کی سزا سنائی ہے۔

یہ فلسطینی خاتون، جو 2 سال قبل سے گھر میں نظر بند تھیں، آج سے جیل منتقل کر دی گئی ہیں۔

واضح رہے کہ اس فلسطینی خاتون کو اسرائیلی فوجیوں نے فروری 2020 میں گرفتار کیا تھا اور تب سے وہ گھر میں نظر بند ہیں اور آج سنائی گئی سزا جیل میں کاٹیں گی۔

مزید پڑھیں: فلسطینی خاتون کے عزم کی صیہونی ظلم و ستم پر فتح

واضح رہے کہ صیہونیوں کے ہاتھوں کھلے عام ہونے والی انسانی حقوق کی خلاف ورزیوں پر اقوام متحدہ سمیت پوری عالمی برادری خاموش تماشائی بنی ہوئی ہے،تاہم فلسطینی مزحمت کاروں نے صیہونیوں کو سبق سکھانے کی ٹھان رکھی ہے جسے لے کر صیہونیوں کی نیندیں حرام ہو چکی ہیں اور انہیں صیہونی ریاست میں اپنا مستقبل تاریک نظر آرہا ہے۔