صہیونی جیلیں فلسطینی قیدیوں کے لیے قتل گاہ بن چکی ہیں: حماس

سچ خبریں: اسلامی مزاحمتی تحریک حماس نے ایک بیان جاری کرتے ہوئے زور دے کر کہا ہے کہ غزہ کے خلاف نسل کشی کی جنگ شروع ہونے کے بعد سے، صہیونیستی ریجیم کی جیلوں میں 94 فلسطینی قیدیوں کی شہادت کے اعداد و شمار ایک منظم مجرمانہ طریقہ کار کو بے نقاب کرتے ہیں جس نے جیلوں کو فلسطینی قوم کے بیٹوں کو تباہ کرنے کے لیے براہ راست قتل گاہوں میں تبدیل کر دیا ہے۔

تحریک نے مزید کہا کہ حماس بہادر فلسطینی قیدیوں کے خلاف درندگی اور غیر انسانی کارروائیوں کے بارے میں متنبہ کرتی ہے، جنہیں زندہ بیانات اور مصدقہ قانونی رپورٹس آشکار کر رہی ہیں اور جن میں شدید مار پیٹ، گرم پانی سے تشدد، پولیس کتوں سے حملے، اور جنسی زیادتیاں شامل ہیں۔ بین الاقوامی انسانی قوانین کے اصولوں کے مطابق یہ درندگی مکمل جنگی جرائم ہیں جو صہیونیستی دشمن کی خونخوار فطرت اور بین الاقوامی قوانین اور معاہدوں کے برعکس اپنائے گئے تشدد کے نظام کو بے نقاب کرتی ہیں۔

حماس نے کہا کہ ہم اس بات پر زور دیتے ہیں کے اس وحشیانہ تشدد کے سامنے بین الاقوامی خاموشی کا جاری رہنا اور اس قبضہ کاری ریجیم کے ان قائدین کی بازپرس نہ ہونا جو براہ راست ان جرائم کی نگرانی کر رہے ہیں، جیلوں اور کوٹھریوں کے اندر قتل و غارت جاری رکھنے کے لیے کھلی چھوٹ کے مترادف ہے۔

اختتام پر، حماس نے دنیا کے تمام ممالک، اقوام متحدہ، انٹرنیشنل کمیٹی آف دی ریڈ کراس، تمام قانونی اداروں اور دنیا کے آزاد لوگوں سے مطالبہ کیا کہ وہ صہیونیستی ریگیم کے فلسطینی قیدیوں کے خلاف جرائم کو روکنے اور ان کے حقوق کی ضمانت دینے کے لیے، جن کی ضمانت تمام بین الاقوامی معاہدوں اور روایات نے دی ہے، فوری طور پر متحرک ہوں اور دباؤ کے تمام ذرائع بروئے کار لائیں۔