صہیونیوں کی عالمی سمندری ڈکیتی کی محکومیت

سچ خبریں:دنیا کے 9 ممالک کی طرف سے جاری کردہ ایک مشترکہ اور سخت بیان میں، صہیونی فوج کی عالمی امدادی بیڑے کے امدادی جہازوں پر حملے کو بین الاقوامی ضوابط کو معمولی سمجھنے اور ان کی کھلی خلاف ورزی قرار دیا گیا ہے۔ 

برازیل، بنگلہ دیش، کولمبیا، سپین، انڈونیشیا، اردن، لیبیا، پاکستان اور ترکی کی وزارتائے خارجہ نے ایک مشترکہ بیان جاری کرتے ہوئے جہاز پر موجود کارکنان کی صحت اور سلامتی پر شدید تشویش کا اظہار کیا۔ انہوں نے زور دے کر کہا کہ شہری جہازوں اور امدادی کارکنوں پر حملہ بین الاقوامی قوانین اور بنیادی انسانی حقوق کی صریح خلاف ورزی ہے۔

بیان کے ایک اور حصے میں کہا گیا کہ عوامی امدادی تحریکوں پر یہ حملہ صہیونی حکومت کی جانب سے عالمی معاہدوں کو مسلسل نظر انداز کرنے اور انہیں بے قدر جاننے کا ثبوت ہے۔ 9 ممالک کے وزرائے خارجہ نے صہیونی حکومت کے سیاہ ریکارڈ کا حوالہ دیتے ہوئے اسرائیلی فوج کی جانب سے ماضی میں امدادی بیڑوں پر کیے گئے حملوں اور غیر انسانی رویوں کو عالمی برادری کے لیے شدید تشویشناک قرار دیا۔

مشترکہ بیان کے آخر میں سمندر میں صہیونیوں کے جارحانہ رویوں کی مذمت کرتے ہوئے واضح طور پر ان حملوں کو فوری طور پر روکنے کا مطالبہ کیا گیا۔ بیان جاری کرنے والے ممالک کے وزرائے خارجہ نے صہیونی حکومت سے سخت لہجے میں مطالبہ کیا کہ وہ اس حملے میں گرفتار تمام شہری کارکنوں اور امدادی کارکنوں کو فوری طور پر رہا کرے اور ان کے قانونی اور انسانی حقوق کا مکمل احترام کرے۔