صہیونیوں کو ایسا سبق دیں گے جو ہمیشہ یاد رہے گا:مہدی المشاط

صہیونیوں کو ایسا سبق دیں گے جو ہمیشہ یاد رہے گا:مہدی المشاط

 یمن کی اعلیٰ سیاسی کونسل کے سربراہ مہدی المشاط نے صہیونی جارحیت کو ناکام قرار دیتے ہوئے خبردار کیا ہے کہ اسرائیل کو ایسا سبق دیا جائے گا جسے وہ کبھی بھلا نہ سکیں۔

مہدی المشاط نے کہا کہ آج کے صہیونی حملے بے نتیجہ تھے اور آئندہ بھی بے نتیجہ ہی رہیں گے۔ ان کے مطابق یمنی عوام کے مضبوط ہاتھ دشمن کو وہ سبق سکھائیں گے جو اس کے لیے ناگزیر ہے۔

انہوں نے صہیونی قیادت پر جھوٹ بولنے کا الزام لگاتے ہوئے کہا کہ نیتن یاہو جو ایک مجرم ہے، اسرائیل کو اس کے خاتمے کی طرف لے جا رہا ہے۔ جب تک یہ غاصب اور جنایتکار وجود باقی ہے، خطہ کبھی پرامن نہیں ہو سکتا۔

مہدی المشاط نے مزید کہا کہ اسرائیل دراصل پورے خطے کا اصل مسئلہ ہے اور تمام اقوام کو اس سرطان جیسے وجود کے خاتمے کے لیے متحد ہونا ہوگا۔ انہوں نے نتنیاهو کو مخاطب کرتے ہوئے کہا تم نے ایک ایسے عوام سے ٹکر لی ہے جن کا مقابلہ کرنے کی تم میں طاقت نہیں۔

ان کا کہنا تھا کہ اسرائیلی وزیر اعظم اندرونی بحرانوں سے نکلنے کے لیے خطے میں وحشیانہ اقدامات کر رہا ہے، لیکن اس کی جارحیت کبھی بھی یمنی عوام کے عزم کو متزلزل نہیں کر سکتی۔ تمہارے حملوں سے یمنی بچوں کا ایک بال بھی نہیں ہلے گا۔

واضح رہے کہ صہیونی میڈیا نے آج دعویٰ کیا تھا کہ اس کے حملوں میں یمن کے وزیر دفاع، وزیر داخلہ اور آرمی چیف ہلاک ہو گئے ہیں، تاہم یمنی حکام نے ان دعووں کو بے بنیاد اور جھوٹا قرار دیا ہے۔