?️
صنعا ایئرپورٹ کی بندش سے ہزاروں مریض ادویات سے محروم ہو رہے ہیں
یمن کے وزیرِ صحت نے ایک بار پھر مطالبہ کیا ہے کہ صنعا کے بین الاقوامی ہوائی اڈے کو فوری طور پر انسانی اور طبی پروازوں کے لیے کھولا جائے تاکہ جان بچانے والی ادویات اور ضروری طبی سامان ملک میں پہنچ سکے۔ ان کا کہنا ہے کہ ہوائی اڈے کی بندش نے ہزاروں مریضوں کو ایسی دواؤں سے محروم کر دیا ہے جن کے بغیر ان کی زندگی شدید خطرے میں ہے۔
یمنی ٹی وی چینل المسیرہ کے مطابق وزیر صحت ڈاکٹر علی شیبان نے اقوام متحدہ اور عالمی اداروں سے اپیل کی کہ وہ اس انسانی بحران پر خاموش نہ رہیں اور فوری عملی اقدامات کریں۔ انہوں نے کہا کہ محاصرے اور پروازوں کی بندش کے باعث گردہ ٹرانسپلانٹ کے مریضوں، خون کی مصنوعات کے محتاج افراد، ہارمونی و قوت مدافعت کی دواؤں کے صارفین، ایمرجنسی اور بے ہوشی کی ادویات پر انحصار کرنے والے مریضوں سمیت ہزاروں افراد ضروری علاج سے محروم ہو چکے ہیں۔
وزیر صحت کے مطابق ان میں سے کئی ادویات خصوصی درجہ حرارت اور کولڈ چین میں منتقلی کی ضرورت رکھتی ہیں اور ہوائی اڈے کی بندش نے ان کی شدید قلت پیدا کر دی ہے۔ انہوں نے کہا کہ دائمی امراض میں مبتلا مریض بغیر علاج کے موت کے دہانے پر ہیں اور یہ صورتحال اس انسانی بحران کی سنگینی کو واضح کرتی ہے۔
ڈاکٹر شیبان نے الزام لگایا کہ یمن پر مسلط محاصرے میں انسانی اور اخلاقی پہلوؤں کو مکمل طور پر نظرانداز کیا گیا ہے اور دنیا خاموش تماشائی بنی ہوئی ہے، جو ایک شرمناک رویہ ہے۔ ان کا کہنا تھا کہ محاصرے سے ہونے والے بالواسطہ نقصانات، بنیادی ڈھانچے کو پہنچنے والے نقصان سے کہیں زیادہ ہیں کیونکہ ادویات اور طبی سہولیات کی کمی کے باعث انسانی جانوں کا ضیاع ناقابلِ اندازہ ہے۔
انہوں نے بتایا کہ پروازوں کی معطلی نے ہزاروں مریضوں کے لیے بیرونِ ملک علاج کے مواقع بھی مکمل طور پر بند کر دیے ہیں، جبکہ بہت سی ایسی دوا اور آلات جو صرف ہوائی راستے سے منتقل ہوسکتے ہیں، ملک تک نہیں پہنچ پا رہے۔
وزیر صحت نے اقوام متحدہ سے مطالبہ کیا کہ صنعا ہوائی اڈے کے ذریعے فوری طور پر انسانی پروازیں بحال کی جائیں تاکہ ادویات اور طبی سامان پہنچایا جا سکے۔ انہوں نے اس اقدام کو ہزاروں مریضوں خصوصاً بچوں کی جان بچانے کے لیے ناگزیر قرار دیا۔


مشہور خبریں۔
فلسطین میں خوش آئند دریافت
?️ 19 ستمبر 2022سچ خبریں:ایک فلسطینی کسان نے حادثاتی طور پر غزہ میں ایک نایاب
ستمبر
ایران پر حملہ ہوا تو پوری مسلم دنیا پر حملہ تصور کیا جائے گا۔ رضا امیری مقدم
?️ 30 جنوری 2026اسلام آباد (سچ خبریں) پاکستان میں ایرانی سفیر رضا امیری مقدم نے
جنوری
شمالی وزیرستان میں فورسز اور دہشتگردوں میں فائرنگ کا تبادلہ، 2 جوان شہید
?️ 27 فروری 2023شمالی وزیرستان: (سچ خبریں) شمالی وزیرستان کے علاقے سپن وام میں سیکیورٹی
فروری
ایران کے خلاف جنگ پر عالمی میڈیا کا ردعمل
?️ 21 مئی 2026سچ خبریں:عالمی میڈیا رپورٹس کے مطابق ایران کے خلاف جنگ نے امریکہ
مئی
وزیر خارجہ شاہ محمود قریشی نے ان ہاؤس تبدیلی کو مسترد کر دیا
?️ 14 جنوری 2022اسلام آباد (سچ خبریں) وزیر خارجہ شاہ محمود قریشی نے ان ہاؤس
جنوری
امریکہ کا عمان کے ذریعے یمن کو پیغام
?️ 31 جنوری 2024سچ خبریں: یمن کی سپریم پولیٹیکل کونسل کے رکن محمد علی الحوثی
جنوری
ایران اور چین کے درمیان اہم معاہدہ
?️ 27 مارچ 2021سچ خبریں:عوامی جمہوریہ چین کے وزیر برائے امور خارجہ اور قومی کونسل
مارچ
وزارت داخلہ نے صوبوں کو سیکیورٹی بڑھانے کی ہدایت کر دی ہے
?️ 22 جنوری 2022اسلام آباد (سچ خبریں) لاہور دھماکے بعد وزارت داخلہ نے صوبوں اور
جنوری