شام کے صوبے الحسکہ کی جیل میں کیا ہو رہا ہے؟

?️ 5 فروری 2022

سچ خبریں:عراقی سکیورٹی ذرائع نے اطلاع دی ہے کہ شام کے شہر الحسکہ میں الصناعه جیل میں ہونے والی حالیہ جھڑپوں کے دوران داعش کے 350 سے زائد جنگجو مارے گئے۔
عراقی سکیورٹی انٹیلی جنس ایجنسی نے اطلاع دی ہے کہ شامی شہر الحسکہ کی الصناعه جیل میں قید داعش کے 350 ارکان فرار ہوتے ہوئے مارے گئے، بیان میں کہا گیا ہے عراقی جوائنٹ آپریشنز کمانڈ شامی جیل الصناعه میں قید دہشت گردوں کے فرار کی پیروی کر رہی ہے اور یہ فورسز بین الاقوامی اتحاد کے مکمل تعاون اور ہم آہنگی کے ساتھ عراقی سرحد کی مکمل حفاظت کو یقینی بنانے کے لیے فوری طور پر ضروری اقدامات کریں گی۔

رشیا ٹوڈے کے مطابق عراقی سکیورٹی انفارمیشن آفس نے کہاکہ معلومات کی جانچ پڑتال کے بعد یہ بات سامنے آئی کہ داعش اپنے 4400 دہشت گردوں کو الصناعہ جیل سے فرار ہونے کی کوشش کر رہی تھی جس کے بعد داعش کے کچھ ارکان ہلاک اور دیگر کو گرفتار کر لیا گیا۔

بیان میں کہا گیا ہے کہ بین الاقوامی اتحاد کی مدد سے اکٹھی کی گئی تفصیلی معلومات کے مطابق جوائنٹ چیفس آف اسٹاف نے تصدیق کی کہ داعش کے 3900 قیدیوں کو دوسری محفوظ جیل میں منتقل کر دیا گیا ہے اور مزید 100 زخمیوں کا ہسپتالوں میں علاج کیا جا رہا ہے۔