شام کے خلاف دہشتگردوں کے خطرناک منصوبے

🗓️ 24 مئی 2021

سچ خبریں:روس کی وزارت دفاع نے شام کے صدارتی انتخابات سے قبل ا س ملک کےصوبہ ادلب میں مسلح دہشت گردوں کے ذریعہ زہریلے کیمیکل استعمال کرکے اشتعال انگیز کاروائیاں کرنے کے ایک منصوبے کا اعلان کیا ہے۔
النشرہ نیوز ایجنسی کی رپورٹ کے مطابق روسی وزارت دفاع نے کہا ہے کہ شام کے صدارتی انتخابات سے قبل صوبے ادلب میں مسلح دہشت گرد زہریلے مادے کے استعمال سے مشتعل اقدامات کرنے کے منصوبے بنارہے ہیں۔

شام میں روسی مرکز برائے مفاہمت کے سربراہ جنرل الیگزینڈر کارپوف نے کہا کہ مرکز کو ایسی اطلاعات موصول ہوئی ہیں جس سے یہ ظاہر ہوتا ہے کہ تحریر الشام دہشت گردوں نے وائٹ ہیٹ تنظیم کی مدد سے مغربی ادلب میں زہریلے کیمیکل استعمال کرنے کا منصوبہ بنایا ہے،انہوں نے مزید کہا کہ اس سلسلے میں زہریلے مادے کے 6 کنٹینر جو کلورین معلوم ہوتے ہیں ، کو حال ہی میں جسرالشغور کے علاقے میں منتقل کردیا گیا ہے۔

روسی عہدیدار نے بتایا کہ موصولہ اطلاعات کے مطابق ، مسلح دہشت گرد شام کے صدارتی انتخابات کے موقع پر کیمیائی حملہ کرنے کا ارادہ رکھتے ہیں جس سے وسیع پیمانہ پر مقامی لوگوں میں ہلاکتیں ہوں گی اور اس کا الزام شام کی فورسز پر عائد کرنے کے بارے میں سوچ رہے ہیں ۔

قابل ذکر ہے کہ شام کے صدارتی انتخابات 25 مئی کو سوائے دہشتگرد گروہوں کے زیر کنٹرول چند علاقوں کے شام کے تمام شہروں میں ہونے والے ہیں،تاہم مغربی حمایت یافتہ دہشتگردان انتخابات میں ہر طرح سے خلل ڈالنے کی کوشش کررہے ہیں تاکہ انے ناپاک عزائم کو عملی جامہ پہنا سکیں۔