شام کی جنگ ختم ہوچکی:صیہونی حکام

🗓️ 27 فروری 2022

سچ خبریں:صیہونی حکام نے اعتراف کیا ہے کہ شام کی جنگ کا خاتمہ ہوچکا ہے اور یہ ملک اپنی نئی منزل کی طرف بڑھ رہا ہے۔
ایسنا کی رپورٹ کے مطابق شام پر مسلط کی جانے والی عالمی جنگ کے 11 سال مکمل ہونے کے موقع پر عبری زبان کے اخبار ہارٹیز کے عسکری مسائل کے مبصر آموس هارئیل نے شام کی صورتحال پر تبصرہ کرتے ہوئے اعتراف کیا کہ 2022 کے شروع ہونے کے ساتھ عملی طور پر شام میں جنگ کا خاتمہ ہو چکا ہے جبکہ حالات بدل گئے ہیں اور شام کے صدر بشار اسد ایک نئے شام کی تعمیر اور بنانے کی جانب گامزن ہیں۔

واضح رہے کہ شام کا بحران، دوہزار گیارہ میں سعودی عرب ، امریکہ، اسرائیل اور ان کے بعض اتحادیوں کی حمایت و مدد کے حامل داعش دہشت گرد گروہ کے حملے سے پیدا کیا گیا تھا اور اس کا مقصد علاقے کے توازن کو صیہونی حکومت کے حق میں تبدیل کرنا تھا۔

واضح رہے کہ خود ساختہ صیہونی حکومت، شام میں دہشتگردوں کی مکمل شکست سے تشویش میں مبتلا ہےاس لیے کہ انھیں لگتا ہے کہ دہشتگردوں کی حمایت میں صرف ہونے والی ہماری اور امریکہ کی پوری محنت ضائع گئی ہے کیونکہ وہ ہر محاذ پر ناکام ہورہے ہیں۔