سچ خبریں: اقوام متحدہ میں روس کے نائب مستقل نمائندے نے غیر ملکی مداخلت کے بغیر شامی عوام کے اپنے مستقبل کے تعین میں کردار کی اہمیت پر زور دیتے ہوئے شام میں امریکہ کی غیر قانونی موجودگی کو اس ملک کے بحران کا بنیادی سبب قرار دیا۔
شام کے الاخباریہ چینل کی رپورٹ کے مطابق اقوام متحدہ میں روس کے نائب مستقل مندوب نے شام میں سیاسی اور انسانی صورتحال کا جائزہ لینے کے لیے سلامتی کونسل کے اجلاس میں اس بات پر زور دیا کہ شام میں سیاسی اور انسانی بحران نیز کشیدگی کی اصل وجہ اس ملک میں غیر ملکی افواج بالخصوص امریکی افواج کی غیر قانونی موجودگی ہے۔
یہ بھی پڑھیں: شام میں امریکی مشکوک نقل و حرکت
دیمتری پولیانسکی نے مزید کہا کہ شامی عوام ہی ہیں جنہیں کسی بیرونی دباؤ کے بغیر اپنی اور اپنے ملک کے مستقبل کا فیصلہ کرنا ہے۔
روسی نمائندے نے کہا کہ مغربی ممالک کے حمایت یافتہ دہشت گردوں کے بجائے شام میں ضرورت مندوں کی مدد کو ترجیح دی جائے،انھوں نے زور دیا کہ روس کو شام کے جنوب میں دہشت گردوں کی موجودگی پر تشویش ہے جو شام میں عدم تحفظ پیدا کرنے کے لیے امریکہ کے بنائے ہوئے ڈھانچے کو استعمال کرتے ہیں۔
مزید پڑھیں: شام میں امریکی فوج کے حملے میرے حکم پر ہوئے:بائیڈن
انہوں نے مزید کہا کہ مغربی ممالک کی طرف سے ملکوں کے درمیان تعلقات خراب کرنے کی کوشش ایک نامناسب اقدام ہے۔
آخر میں اس سینیئر روسی سفارت کار نے تاکید کی کہ شام کو انسانی امداد بھیجنا اس ملک کی سرکاری حکومت کے تعاون سے جاری رہے گا۔