سیف القدس کی جنگ فلسطینی عوام کی تاریخ میں ایک اہم موڑ تھی:جہاد اسلامی

🗓️ 28 دسمبر 2021

سچ خبریں:فلسطین کی جہاد اسلامی تحریک کے سیاسی بیورو کے ایک سینئر رکن نے صیہونی حکومت کو غزہ کی پٹی میں اپنی دہشت گردی کی پالیسی کے استعمال کے بارے میں خبردار کرتے ہوئے کہا کہ 2021 فلسطین میں پیشرفت کے لیے سب سے زیادہ اثرانداز سال تھا۔
فلسطین الیوم نیوز ویب سائٹ کی رپورٹ کے مطابق فلسطین کی جہاد اسلامی تحریک کے سیاسی بیورو کے رکن خالد البطش نے کہاکہ 2021 فلسطین کے لیے سب سے زیادہ متاثر کن سال تھااور سیف القدس کی لڑائی اس سال کی پیش رفتوں میں ایک خاص مقام رکھتی ہے۔

خالد البطش نے پیر کو ایک ٹیلی ویژن انٹرویو میں کہاکہ استقامتی تحریک نے 2021 میں اپنی کارکردگی سے ثابت کر دیا کہ وہ جنگ کی اکائیاں تبدیل کرنے اور ان کا تعین کرنے کے قابل ہے، انہوں نے اپنی بات جاری رکھتے ہوئے کہاکہ سیف القدس کی جنگ صیہونی حکومت کے خلاف فلسطینی عوام کی جدوجہد کی تاریخ میں ایک بہت بڑا موڑ تھا۔

انھوں نے کہا کہ سیف القدس نے دنیا پر ثابت کر دیا کہ فلسطینی عوام کی جگہ نظر بندی اور قید میں نہیں ہے نیز تمام فلسطینی مغربی کنارے میں رہنے والے اپنے بھائیوں کے دفاع کے لیے متحد ہیں، جہاد اسلامی کے سینئر رکن نے صیہونی حکومت کو غزہ کی پٹی میں دہشت گردی کی پالیسی استعمال کرنے کے بارے میں بھی خبردار کیا اور فلسطینی عوام کے دفاع کے لیے ہر قسم کا راستہ اختیار کرنے کے لیے تحریک کی مکمل تیاری پر زور دیا۔