سیاسی تعصب کے بغیر افغانوں کی مدد کریں:طالبان کی عالمی براداری سے اپیل

?️ 8 جنوری 2022

سچ خبریں:افغانستان کے نائب وزیر اعظم نے عالمی برادری سے مطالبہ کیا ہے کہ وہ اس ملک کے سیاسی مسائل سے قطع نظر افغانوں کو انسانی امداد فراہم کرے۔
طلوع نیوز ویب سائٹ کے مطابق افغانستان کے نائب وزیر اعظم ملا برادر نے آر ٹی اے نیوز میڈیا کے ذریعے شائع ہونے والے ایک ویڈیو پیغام میں افغانستان کی صورتحال کو تشویشناک قرار دیتے ہوئے کہا کہ ایک طرف سخت پابندیاں اور دوسری طرف ملک میں کوئی بنیادی ڈھانچہ نہیں ہےجبکہ پچھلے 20 سالوں سے، شہریوں کے لیے روزگار کے مواقع فراہم نہیں ہوئے ہیں۔

افغانستان کے نائب وزیر اعظم کے مطابق ملک بھر کے شہریوں کو نقد رقم، رہائش اور خوراک کی فوری ضرورت ہے لہذا موجودہ صورتحال میں افغانوں کو عالمی برادری سے انسانی امداد کی ضرورت ہے، انہوں نے یہ بھی کہا کہ افغان طالبان ہنگامی صورتحال سے نمٹنے کے لیے پوری طرح تیار ہیں نیزان کے وزراء اور سرکاری محکمے لوگوں کی مدد کے لیے تیار ہیں۔

ملا عبدالغنی برادر نے طالبان کے خلاف امریکی پابندیوں کو ظالمانہ قرار دیا اور زور دیاکہ واشنگٹن کی اقتصادی پابندیوں کی وجہ سے افغان عوام کو اقتصادی چیلنجوں کا سامنا ہے جبکہ گزشتہ بیس سالوں میں افغانستان میں روزگار کے مواقع پیدا کرنے کے لیے انفراسٹرکچر پر کوئی کام نہیں کیا گیا ہے، ملا برادر نے مزید کہاکہک عالمی برادری کو بغیر کسی سیاسی تعصب کے افغانستان کے لوگوں کی حمایت کرنی چاہیے اور اپنی انسانی ذمہ داریوں کو پورا کرنا چاہیے۔