سچ خبریں:سری لنکا نے معاشی بحران اور بھاری مقدار بیرونی ممالک قرضوں کے پیش نظر دیوالیہ ہونے کا اعلان کر دیا ہے۔
ایکسپریس ٹربیون کی رپورٹ کے مطابق سری لنکا نے معاشی بحران اور 51 ارب ڈالر کے بیرونی قرضے کے پیش نظر دیوالیہ ہونے کا اعلان کردیا ہے،اطلاعات کے مطابق سری لنکا کے پاس زرِ مبادلہ کے ذخائر ختم ہوچکے ہیں اور ضروری اشیاء کی درآمد بھی نہیں کر پا رہا۔
واضح رہے کہ سری لنکا میں بدترین معاشی بحران جاری ہے اور ملک میں کھانے پینے کی اشیا اور ایندھن کی کمی واقع ہوچکی ہے، سری لنکا کی وزارت خزانہ کی جانب سے جاری کیے جانے والے ایک بیان میں کہا گیا ہے کہ قرض دہندگان جن میں غیر ملکی حکومتیں بھی شامل ہیں، وہ چاہیں تو اپنے قرضوں پر اپنی مرضی کا سود عائد کرسکتی ہیں یا پھر سری لنکن کرنسی میں اپنے قرض وصول کرسکتی ہیں۔
یاد رہے کہ اس ملک کی حکومت یہ قدم آخری حل کے طور پر اٹھا رہی ہے تاکہ ملک کو مزید مشکلات سے بچایا جاسکے۔