روس کس طرح بات چیت کے لئے تیار ہوسکتاہے؟

روس کس طرح بات چیت کے لئے تیار ہوسکتاہے؟

 بلفر تحقیقاتی سینٹڑ کی محقق تانیا کوزیریوا نے اپنی رپورٹ میں وضاحت کی ہے کہ امریکہ اور یورپ کو کس طرح روس پر دباؤ ڈالنا چاہیے تاکہ وہ امریکی مطالبات کو قبول کرنے پر مجبور ہو جائے۔

رپورٹ کے مطابق، امریکی صدر ڈونالڈ ٹرمپ نے اقوام متحدہ میں یورپی ممالک پر تنقید کی کہ وہ یوکرین جنگ کے دوران اپنے ہی نقصان کے لیے مالی امداد فراہم کر رہے ہیں اور کہا کہ انہیں فوری طور پر روس سے توانائی کی خریداری روکنی چاہیے۔ بعد ازاں ٹرمپ نے یوکرینی صدر ولودیمیر زیلنسکی سے ملاقات کی، جسے زیلنسکی نے مثبت قرار دیا۔

یہ ملاقات آلاسکا اجلاس کے چھ ہفتے بعد ہوئی، جس میں روسی صدر ولادیمیر پوتین نے ٹرمپ کی فوری جنگ بندی کی درخواست مسترد کی اور مذاکرات کو جوہری ہتھیاروں کے کنٹرول معاہدے کی طرف منتقل کر دیا۔

رپورٹ میں کہا گیا ہے کہ روس نے توانائی کو سیاسی ہتھیار کے طور پر استعمال کیا ہے اور یوکرین جنگ کے تین سال و نصف بعد بھی اس کی معیشت، توانائی کی آمدنی اور دیگر اقتصادی تدابیر کے باعث مضبوط رہی۔

تانیا کوزیریوا کے مطابق، روس کے خلاف دباؤ بڑھانے کے لیے متحدہ کارروائی ضروری ہے، جس میں درج ذیل اقدامات شامل ہیں:یوکرین کے ہوائی دفاع کے وعدوں کو پورا کرنا، جیسے 17 پٹریاٹ میزائل سسٹمز کی فراہمی۔یورپ اور امریکہ کی طرف سے روسی توانائی کی درآمدات کو مکمل بند کرنا اور درآمد کنندگان کو پابندیوں کا نشانہ بنانا۔روسی تجارتی جہازوں، خاص طور پر "شیڈو فلیٹ” کی پابندیاں سخت کرنا۔مغربی کمپنیوں کو روسی مارکیٹ سے نکلنے پر مجبور کرنا اور کرپشن یا تحریمی خلا سے فائدہ اٹھانے والے عناصر کے خلاف کارروائی کرنا۔روسی اولیگارکس پر یکساں پابندیاں عائد کرنا اور ان کے اثاثے کو بین الاقوامی سطح پر محدود کرنا۔یوکرین کے یورپی اتحاد اور نیٹو میں شمولیت کے حق کی حمایت کرنا اور ان کے دفاعی صلاحیتوں، خاص طور پر ڈرون اور جدید ہتھیاروں کی ترقی کو تسلیم کرنا۔اقوام متحدہ کی سلامتی کونسل میں روس کے حق وتو پر نظر ثانی کرنا تاکہ مذاکرات کے بن‌بست کو توڑا جا سکے۔

رپورٹ میں نتیجہ اخذ کیا گیا ہے کہ یہ اقدامات روس پر مؤثر دباؤ ڈال سکتے ہیں اور یوکرین کی خودمختاری اور دفاعی صلاحیت کو برقرار رکھ سکتے ہیں، جبکہ وقت تیزی سے ضائع ہو رہا ہے اور یوکرین روزانہ حملوں اور جانی و مالی نقصانات کا سامنا کر رہا ہے۔