ایک امریکی نجی کمپنی کی جانب سے برطانوی انٹیلی جنس ایجنسیوں کو روسی فوج کو نشانہ بنانے کے لیے جاسوسی ٹیکنالوجی فراہم کرنے کے اقدامات کی خبریں ملیں۔
اسپوٹنک خبر رساں ایجنسی کے مطابق نئی دستاویزات سے پتا چلتا ہے کہ ایک نجی امریکی جاسوس کمپنی نے دنیا بھر میں ایک ارب سے زائد لوگوں کو ٹریک کرنے کے لیے غیر قانونی ٹیکنالوجی کا استعمال کیا اور برطانوی فوج کو ڈیٹا منتقل کرنے کے لیے ملک کے ایک خصوصی انٹیلی جنس پروگرام کا استعمال کیا جو یوکرین میں روس کے خلاف نیٹو کی پراکسی جنگسے مربوط ہے۔
اس رپورٹ کے مطابق Grayzone جو کہ ایک امریکی تحقیقی پورٹل ہے نے دستاویزات شائع کی ہیں کہ Anomaly6 کمپنی نے جاسوسی ٹیکنالوجی استعمال کی ہے۔ ٹیکنالوجی نے جارحانہ ڈیٹا اکٹھا کرنے کے ذریعےفوجی حملوں اور توپ خانے کے حملوں، قتل و غارت، اثاثوں پر قبضہ اور دیگر کارروائیوں کی منصوبہ بندی کو ممکن بنایا ہے۔
یہ کمپنی جس کے بانی امریکی فوج کے انٹیلی جنس تجربہ کار بتائے جاتے ہیں اور جس کا ہیڈ کوارٹر ورجینیا میں سی آئی اے کے ہیڈ کوارٹر سے کار کے ذریعے 20 منٹ کے فاصلے پر واقع ہے دعویٰ کرتا ہے کہ وہ تین ارب آلات فون، ٹیبلٹ وغیرہ کو ٹریک اور مانیٹر کرنے کے قابل ہے۔
اسپوٹنک نے بات جاری رکھتے ہوئے کہا کہ اس امریکن کمپنی کی جاسوسی کی خدمات بہت سے ممالک میں ملکی اور بین الاقوامی قوانین کے مطابق غیر قانونی ہیں انوملی 6 کمپنی کا ڈیٹا پروسیس کیا جاتا ہے اور اسے پریویل پارٹنرز نامی انگریزی کمپنی کے ذریعے استعمال کیا جاتا ہے۔