دو سال کی جنگ کے باوجود بھی اسرائیل فوج حماس کو شکست دینے ناکام رہی ہے

دو سال کی جنگ کے باوجود بھی اسرائیل فوج حماس کو شکست دینے ناکام رہی ہے

 صہیونی اخبار یدیعوت آحارونوت نے اعتراف کیا ہے کہ تقریباً دو سال گزرنے کے باوجود اسرائیلی فوج اپنے اعلان کردہ مقاصد حاصل کرنے میں ناکام رہی ہے اور حماس نہ عسکری طور پر اور نہ ہی تنظیمی طور پر شکست کھا سکی ہے۔

اس اخبار کے عسکری نامہ نگار نے لکھا کہ 7 اکتوبر 2023 کے بعد سے جاری جنگ میں اسرائیلی حکومت اور فوج کی تمام دعوے ناکام ثابت ہوئے ہیں۔ ان کے مطابق غزہ شہر میں اب بھی تقریباً ڈھائی ہزار مجاہدین موجود ہیں جو بھرپور مزاحمت کر رہے ہیں۔

رپورٹ میں کہا گیا ہے کہ اسرائیلی فوج نے رواں ماہ ستمبر میں نامی آپریشن کے تحت غزہ شہر پر مکمل قبضے کی کوشش کی، لیکن مقصد صرف غزہ شہر میں حماس کے یونٹس کو نشانہ بنانا تھا، پورے حماس کو ختم کرنا نہیں۔ اس آپریشن پر اسرائیل کے اندر بھی سخت تنقید ہوئی اور قیدی فوجیوں کی جانوں کے بارے میں تشویش بڑھی۔

یدیعوت آحارونوت نے لکھا کہ بنیامین نتانیاهو بارہا دعویٰ کرتے رہے کہ حماس کی شکست قریب ہے، لیکن ہر موقع پر یہ دعویٰ جھوٹا ثابت ہوا۔ اپوزیشن جماعتوں کا کہنا ہے کہ نتانیاهو جان بوجھ کر جنگ کو طول دے رہے ہیں تاکہ اپنے سیاسی مفادات اور حکومت کو بچا سکیں۔

غزہ پر تازہ اسرائیلی کارروائی پر مختلف ممالک، عالمی اداروں اور شخصیات نے شدید ردعمل ظاہر کیا ہے اور اسے بین الاقوامی قوانین کی خلاف ورزی قرار دیا ہے۔

7 اکتوبر 2023 سے جاری جنگ میں اسرائیل نے امریکہ کی حمایت کے باوجود نہ حماس کو ختم کر پایا ہے اور نہ ہی اپنے قیدی فوجیوں کو آزاد کرا سکا ہے۔ اس کے برعکس، حماس اور دیگر مزاحمتی گروہ اب بھی روزانہ کی بنیاد پر اسرائیلی فوج کو جانی و مالی نقصان پہنچا رہے ہیں۔