سچ خبریں:لبنانی حزب اللہ کے سربراہ حسن نصراللہ نے کہا کہ صیہونی دشمن اپنی کمزوریوں کو اچھی طرح جانتا ہے لہذا وہ کبھی جنگ نہیں کرنا چاہے گا۔
لبنانی حزب اللہ کے سربراہ سید حسن نصر اللہ نے کہا ہے کہ لبنان جنگ نہیں چاہتا لیکن اگر اسے اس کا حق نہ ملا تو ناجائز صیہونی حکومت کو متنازعہ سمندری سرحدوں سے تیل اور گیس کے ذخائر سے تیل اور گیس نکالنے کی اجازت نہیں دی جائے گی، سید حسن نصر اللہ نے سالانہ عاشورائی کانفرنس سے خطاب کرتے ہوئے کہا کہ جنگ کا ممکن ہے اور نہ ہونا بھی۔
انہوں نے کہا کہ ہم جنگی محاذ کھولنے کا ارادہ نہیں رکھتے، ہم صرف اپنے حقوق چاہتے ہیں، ہم ڈٹ کر اپنا موقف پیش کریں گے تاکہ اسرائیل اور امریکہ ہمارے سامنے گھٹنے ٹیک دیں، سید نصر اللہ نے کہا کہ اگر لبنان میں کچھ لوگ یہ سمجھتے ہیں کہ لبنان کو امریکہ اور اسرائیل کی بات ماننی چاہیے تو ایسا کبھی نہیں ہوگا۔
انہوں نے کہا کہ 1982 میں جب سے حزب اللہ وجود میں آئی ہے امریکہ اور اسرائیل ہمارے خلاف سازشیں کر رہے ہیں کیونکہ وہ اچھی طرح جانتے ہیں کہ حزب اللہ اسرائیل کے لیے بہت بڑا خطرہ ہے، سید حسن نصر اللہ نے کہا کہ آج حزب اللہ اور مزاحمتی تحریک نہ صرف اسرائیل بلکہ خطے میں امریکہ کے تمام سازشی منصوبوں کے لیے خطرہ ہیں۔
