سچ خبریں:افریقی ملک جمہوریہ کانگو میں داعش تکفیری دہشت گردوں سے وابستہ مسلح افراد کے ایک حملے میں کم از کم 50 افراد کا قتل عام کیا گیا ہے۔
روئٹرز خبر رساں ادارے کی رپورٹ کے مطابق مشرقی افریقی ملک کانگو کے دو دیہاتوں میں داعش تکفیری دہشت گردوں سے منسلک مسلح افراد کے حملے میں کم از کم 50 افراد ہلاک ہوگئے ہیں،رپورٹ کے مطابق یہ حملہ چار سالوں میں اس ملک کا سب سے مہلک قتل عام ہے،یادرہے کہ یہ واقعہ یوگینڈا کی سرحد کے قریب واقع صوبہ اٹوری کے بوگا اور غیبی گاؤں میں کل رات پیش آیا۔