حزب اللہ کا اسلحہ چھیننے کی کوشش،گریٹر اسرائیل منصوبے کی شروعات ہے: یمنی تجزیہ کار

حزب اللہ کا اسلحہ چھیننے کی کوشش،گریٹر اسرائیل منصوبے کی شروعات ہے: یمنی تجزیہ کار

 یمنی سیاسی تجزیہ کار اور المسیرہ ٹی وی کے میزبان احمد عبدالوهاب الشامی نے کہا ہے کہ حزب اللہ کو غیر مسلح کرنے کی کوشش دراصل ایک خطرناک منصوبے یعنی اسرائیل بزرگ کی راہ ہموار کرنے کے لیے کی جا رہی ہے۔

الشامی نے کہا کہ امریکہ اور اسرائیل کے پاس ہزاروں ہتھیار ہیں لیکن انہیں ان ہتھیاروں سے مسئلہ نہیں بلکہ وہ ہتھیار جو مجاہدین اور آزاد لوگوں کے پاس ہیں، ان سے ڈرتے ہیں۔ یہی ہتھیار اصل سلامتی کے ضامن ہیں اور دشمن کی جارحیت کے سامنے رکاوٹ بنتے ہیں۔

انہوں نے کہا کہ حزب اللہ کے ہتھیار ہی تھے جنہوں نے سنہ 2000 میں جنوبی لبنان کو آزاد کرایا اور 2006 کی جنگ میں اسرائیلی فوج کے مقابل ڈٹ گئے۔ ان کے مطابق حزب اللہ کا اسلحہ محض جنگی سازوسامان نہیں بلکہ ایک وجودی ریڈ لائن ہے۔ اگر یہ چھین لیا جائے تو دشمن پیش قدمی کرے گا اور اگر باقی رہے تو مزاحمت کے لیے ڈھال بنے گا۔

الشامی نے مزید کہا کہ یمن کی نظر میں حزب اللہ کا اسلحہ صرف لبنان کا نہیں بلکہ پوری امت مسلمہ کا ہتھیار ہے۔ یہی وہ ہتھیار ہیں جنہوں نے 2000 اور 2006 میں اسلامی امت کی عزت و آبرو بچائی۔ اس لیے امت مسلمہ کی ذمہ داری ہے کہ حزب اللہ کے اسلحے کا دفاع کرے اور اس کی حفاظت کرے۔