جہاد اسلامی فلسطین کا غزہ جنگ میں کامیابی کے سلسلہ میں اہم بیان

?️ 5 جون 2021

سچ خبریں:فلسطینی جہاد اسلامی موومنٹ کے پولیٹیکل بیورو کے ایک سینئر ممبر نے کہا کہ مزاحمتی محور نے فلسطینی مزاحمتی گروپوں کی حمایت اور غزہ جنگ میں حاصل فتح میں کلیدی کردار ادا کیا۔
فلسطینی جہاد اسلامی تحریک کے ایک رہنما خالد البطش نے گذشتہ رات کہا تھا کہ یمن سے لبنان اور شام تک مزاحمت کے محور نے غزہ کی فتح کے حصول میں اپنا کردار ادا کیا ہے، البطش نے مزید کہاکہ ہمیں سید عبدالمالک الحوثی ، سید حسن نصراللہ، زیاد النخالہ اور دیگر مزاحمتی رہنماؤں کے الفاظ پر مکمل اعتماد ہونا چاہئے، فلسطینی جہاد اسلامی موومنٹ کے پولیٹیکل بیورو کے سینئر ممبر نے کہاکہ مزاحمت کے محور نے فلسطینی مزاحمتی گروپوں کی حمایت اور غزہ جنگ میں حاصل فتح میں اہم کردار ادا کیا۔

انہوں نے زور دے کر کہا کہ فلسطینی مزاحمتی گروپوں کے قبضے میں سب سے بڑا میزائل شہید سردار سلیمانی کی یاد میں بنایا جانے والا میزائل ہے،یادرہے کہ فلسطینی مزاحمتی تحریک کے سربراہان اس سے پہلے بھی متعدد موقعوں پر مزاحمتی تحریک کے لیے شہید قاسم سلیمانی کی کوششوں کا سراہنا کرتے رہے ہیں ، ان کا کہنا ہے کہ شہید سلیمانی نے اپنی پوری زندگی مزاحمتی تحریک کو مضبوط کرنے میں وقف کر دی اور اس راہ میں اپنی جان بھی قربان کر دی یہی وجہ ہے کہ انھیں شہید قدس کا لقب عطا کیا گیا ہے ،فلسطینی مجاہدین کا کہنا ہے کہ شہید سلیمانی نے اپنے ہماری تحریک کو پتھروں سے میزائل میں بدل دیا یعنی ایک وہ وقت تھا جب ہم صیہونی ٹینکوں کو مقابلہ پتھروں سے کر تے تھے اور آج شہید سلیمانی کی بدولت ہم نے ان پر اس قدر میزائلوں کی بارش کی کہ وہ ذلیل ہو کر ہمارے سامنے گھٹنے ٹیکنے پر مجبور ہوئے اور ہماری تمام تر شرطیں مان کر جنگ بندی کرنے کے لیے راضی ہوگئے جو صرف اور صرف جنرل قاسم سلمانی کی دین ہے۔