جنگ یوکرین جیتے گا:زیلنسکی

?️ 6 جون 2022

سچ خبریں:روسی فوجی آپریشن کے 100ویں دن یوکرین کے صدر نے وعدہ کیا کہ روس کے ساتھ ہونے والی جنگ کو ان کا ملک جیتے گا۔
ہل ویب سائٹ کے مطابق روس کے فوجی آپریشن کے 100ویں دن یوکرین کے صدر ولادیمیر زیلنسکی نے اپنے انسٹاگرام پیج پر پوسٹ کیے گئے ایک پیغام میں وعدہ کیا کہ یوکرین روس کے خلاف جنگ جیت جائے گا،رپورٹ کے مطابق زیلنسکی نے اپنے ویڈیو پیغام میں اس بات پر زور دیتے ہوئے کہ فتح یوکرین کی ہوگی، کہا کہ پارٹی لیڈر یہاں ہے، صدر یہاں ہے، یوکرین کے وزیر اعظم ڈینس شمیہل یہاں ہیں، صدر کے دفتر کے مشیر یہاں ہیں،یوکرین میخائیلوف پوڈولیاک یہاں ہے اور آپ کا صدر یہاں ہے، ہماری ٹیم بہت بڑی ہے۔

انہوں نے مزید کہا کہ یوکرین کی مسلح افواج یہاں موجود ہیں، اور سب سے اہم بات یہ ہے کہ ہمارے ملک کے لوگ، یہاں موجود ہیں اور وہ 100 دنوں سے یوکرین کا دفاع کر رہے ہیں، جیت ہماری ہو گی، رپورٹ کے مطابق زیلنسکی کی اسی طرح کی ایک اور ویڈیو یوکرین پر روس کے حملے کے اگلے دن 25 فروری کو سامنے آئی تھی جو اس ویڈو سے ملتی جلتی تھی۔

نیویارک ٹائمز کے مطابق زیلنسکی نے 25 فروری کو جاری ہونے والی ویڈیو میں کہا تھا کہ ہم سب یہاں ہیں، ہمارے فوجی یہاں ہیں، اس ملک کے شہری یہاں ہیں، ہم سب یہاں اپنی آزادی اور اپنے ملک کے دفاع کے لیے موجود ہیں، اور ہم ایسا کرتے رہیں گے۔