جنگ کےگزرنے کے ساتھ ایران کے حملے مزید کامیاب ہوتے گئے: وال سٹریٹ

سچ خبریں: وال اسٹریٹ جرنل نے تسلیم کیا ہے کہ ایران اور صہیونی ریاست کے درمیان جنگ جتنی طویل ہوتی گئی، ایران کے میزائل اس ریاست کے دفاعی نظام میں زیادہ گھرنے میں کامیاب ہوتے گئے۔

رپورٹ میں بتایا گیا ہے کہ ایران کے کامیاب حملوں کی اوسط شرح صہیونی ریاست کے خلاف جنگ کے دوران مسلسل بڑھ رہی تھی۔

رپورٹ میں زور دیا گیا ہے کہ ایران نے اپنے میزائل حملوں کی ٹائمنگ اور طریقہ کار کو تبدیل کر دیا تھا۔ تہران نے اپنے ہدف کے جغرافیائی دائرہ کار کو بھی وسیع کر دیا۔

اس سے قبل جاری کیے گئے سیٹلائیٹ تصاویر سے پتہ چلا تھا کہ ایران کے میزائل حملے نے قطر میں واقع امریکی اڈے "العدید” پر امریکیوں کے محفوظ مواصلاتی سازوسامان پر مشتمل گنبد کو نشانہ بنایا تھا۔

یہ سیٹلائیٹ تصاویر ایران کے میزائل حملے سے کچھ گھنٹے پہلے کی ہیں، جن میں العدید اڈے پر مذکورہ گنبد نظر آ رہا ہے، لیکن حملے کے دو دن بعد کی تصاویر میں یہ گنبد نظر نہیں آ رہا، اور قریب کی عمارتوں کو بھی نقصان پہنچا ہے۔