سچ خبریں:یوکرین کے صدر نے مشرقی یوکرین اور جنوبی ڈونیٹسک اور لوہانسک کے علاقوں کی صورت حال کو مشکل قرار دیتے ہوئے کہا کہ جنگ میں روزانہ 60 سے 100 فوجیوں کے ہلاک اور500 کے قریب زخمی ہورہے ہیں۔
یوکرین کے صدر ولادیمیر زیلنسکی نے نیوز میکس کے ساتھ ایک انٹرویو میں روس کے ساتھ اپنے ملک کے تنازع میں یوکرائنی فوج کی ہلاکتوں کے روزانہ کے اعداد و شمار فراہم کیے ، انہوں نے کہا کہ مشرقی یوکرین اور جنوبی ڈونیٹسک اور لوہانسک میں بدترین صورتحال ہےجس کی وجہ سے ہمیں بہت ساری مشکلات کا سامنا ہے؛ آپریشن میں روزانہ 60 سے 100 فوجیوں کے مارے جانے اور 500 کے قریب زخمی ہونے کی وجہ سے ہماری فوج میں کمی ہو رہی ہے۔
زیلنسکی نے دعویٰ کیا کہ یوکرین کی مسلح افواج مشرقی یوکرین میں ہمارے دفاعی زون کو برقرار رکھے ہوئے ہے اور کھارکیو کے علاقے میں جوابی حملے اور دباؤ جاری ہے۔
زیلنسکی نے نیوز میکس کے ساتھ اپنے انٹرویو میں یہ بھی کہا کہ یوکرین اپنے علاقوں کو روس کے حوالے کرنے کا ارادہ نہیں رکھتا لیکن ممکنہ طور پر کچھ علاقوں میں مسائل پر بات چیت ہو گی، درایں اثنا برطانوی فوج نے ایک بیان میں کہا کہ روس کا سیاسی ہدف ڈونیٹسک اور لوہانسک کے علاقوں پر مکمل قبضہ کرنا ہے۔