سچ خبریں:یمن کی نیشنل سالویشن گورنمنٹ کے عہدیداروں نے اس ملک کے خلاف سعودی اتحاد کی جنگ سے ہونے والے نقصانات کے تخمینے میں یمنی نقل و حمل کو ہونے والی تباہی اور نقصان کی اطلاع دی۔
نیشنل ویژن امور کے لیے یمن کی قومی سالویشن گورنمنٹ کے نائب وزیر اعظم محمود الجنید نے اس ملک کی وزارت ٹرانسپورٹیشن کی طرف سے منعقدہ ایک پریس کانفرنس کے دوران نشاندہی کی کہ جارح امریکی، سعودی اور اماراتی اتحاد کے حملوں میں اس وزارت اور اس کے ماتحت محکموں کی قومی اور بین الاقوامی سطح پر فضائی، زمینی اور سمندری نیوی گیشن سروسز تباہ ہو چکی ہیں۔
خبر رساں ویب سائٹ المشہد الیمنیکے مطابق یمن کے وزیر ٹرانسپورٹیشن عبدالوہاب الدرہ نے اعلان کیا کہ مارچ 2015 سے جون 2022 تک یمن کے خلاف سعودی عرب ، متحدہ عرب امارات اور امریکی جارحیت اور ناکہ بندی سے ہونے والے زمینی، سمندری اور فضائی نقل و حمل کے شعبوں میں ہونے والے نقصانات 12 ارب 31 کروڑ 80 لاکھ 628 ہزار ڈالر تک پہنچ چکے ہیں۔
کانفرانس میں یمن کے وزیر ٹرانسپورٹ نے مختلف شعبوں کو پہنچنے والے نقصانات کی طرف اشارہ کرتے ہوئے کہا کہ براہ راست جارحیت کے نتیجے میں نقل و حمل کے شعبوں کو پہنچنے والے نقصانات میں تمام انفراسٹرکچر، الیکٹرانک آلات، جدید ٹیکنالوجی ، مہارت، سازوسامان، بھاری مشینری اور نظام کی تباہی شامل ہے۔