حماس کی شیخ حسن یوسف کو اسرائیلی جیلوں سے رہائی پر مبارکباد 

سچ خبریں: حماس نے اعلان کیا ہے کہ شیخ حسن یوسف کو صہیونی حکومت کی جیلوں میں ڈھائی سال سے زائد عرصہ نظربندی کے بعد رہا کر دیا گیا ہے۔

 تحریک حماس نے شیخ حسن یوسف کی استقامت اور صبر کو خراج تحسین پیش کرتے ہوئے زور دیا کہ وہ ایک قومی، متاثر کن شخصیت اور صبر و استقامت کی علامت ہیں، جنہوں نے اپنی زندگی کے 20 سال سے زائد عرصہ قابض حکومت کی جیلوں میں گزارا ہے۔

شیخ یوسف نے اپنی زندگی کے 20 سال سے زیادہ عرصہ قابضین کی جیلوں میں بار بار گرفتاریوں اور طویل نظربندی کی سزاؤں کے دوران گزارا ہے، اور ان کی اسیری قابض حکومت کی جانب سے انہیں سیاسی اور عوامی میدان سے دور رکھنے کی مسلسل کوشش تھی۔

حماس نے مزید کہا کہ شیخ حسن یوسف نے دورانِ اسیری تنہائی قید، تشدد اور طبی غفلت کے باوجود اپنے موقف پر ثابت قدم رہے اور فلسطینی عوام کے حقوق کا دفاع کیا۔

تحریک حماس نے ایک بار پھر فلسطینی قیدیوں کی حمایت کے عزم کا اعادہ کرتے ہوئے کہا کہ وہ اب بھی صہیونی حکومت کی جیلوں میں جبر، تشدد اور محرومی کا سامنا کر رہے ہیں۔

حماس نے واضح کیا کہ قیدیوں کا معاملہ ہمیشہ اس تحریک کی اولین ترجیحات میں شامل رہے گا جب تک کہ ان کی رہائی ممکن نہ ہو جائے اور صہیونی حکومت کی جیلیں تمام فلسطینی قیدیوں سے خالی نہ ہو جائیں۔

تحریک نے فلسطینی قیدیوں کے کیس کی ہر قسم کی حمایت کو فروغ دینے اور اس مسئلے کو امت اسلامیہ اور دنیا بھر کے آزاد لوگوں کے شعور میں زندہ رکھنے کی ضرورت پر بھی زور دیا۔

حماس نے آخر میں بین الاقوامی قانونی اور انسانی ہمدردی کے اداروں سے مطالبہ کیا کہ وہ قیدیوں کی حمایت، جرائم کو بے نقاب کرنے، صہیونی حکومت کی جیلوں میں ان کے حقوق کی خلاف ورزیوں کو اجاگر کرنے اور ان کی تکالیف کے خاتمے اور رہائی کے لیے سنجیدہ اقدامات اٹھانے میں اپنی کوششوں میں اضافہ کریں۔