جارح اپنے جرائم کے نتائج سے بچنے کی کوشش کر رہے ہیں: یمن

?️ 19 مارچ 2022

سچ خبریں:یمن کی قومی سالویشن حکومت کے عہدیداروں نے خلیج تعاون کونسل کی جانب سے یمن میں جاری بحران اور جنگ کے حل کے لیے یمنی فریقوں کو مذاکرات کی دعوت دینے کی مبینہ پیشکش پر ردعمل ظاہر کرتے ہوئے کہا کہ صنعا ایک منصفانہ امن کا خیرمقدم کرتا ہے۔
یمنی نیشنل سالویشن گورنمنٹ کے عہدیداروں نے خلیج تعاون کونسل کی طرف سے یمن میں جاری بحران اور جنگ سے نکلنے کا راستہ تلاش کرنے کے لیے مذاکرات کی تجویز کو غیر حقیقت پسندانہ اور اس جنگ کے نتائج سے بچنے کی کوشش قرار دیا۔

اس تجویز پر ردعمل ظاہر کرتے ہوئےیمنی حکومت کے وزیر اطلاعات ضیف اللہ الشامی نے ہفتے کی صبح کہاکہ جن لوگوں کے ہاتھ یمنیوں کے خون سے رنگے ہوئے ہیں وہ سات سال بعد انہیں مذاکرات کی دعوت دے کر اس جرم کے نتائج سے بچنے کی کوشش کر رہے ہیں۔

یہ لوگ، جن کے ہاتھ یمنیوں کے خون سے رنگے ہوئے ہیں وہ اپنے پالتو کتوں کو پیسے دے رہے ہیں تاکہ وہ ان کی طرف سے بھونکیں، اور ان کے جرائم کا دھبہ اپنے دامن پر لے ہیں۔

درایں اثنا یمن کی سپریم پولیٹیکل کونسل کے رکن محمد علی الحوثی نے بھی اپنے ٹویٹر اکاؤنٹ پر لکھاکہ یمن بحران کے حل کے لیے جانے والی بات چیت کے مقدمے کے طور پر کیے جانے والے یہ اجلاس برسوں سے بے نتیجہ رہے ہیں لہذا اب مزید کوئی اجلاس نہیں ہوگا۔