بڑے صنعتی سردخانے میں تکنیکی خرابی کے باعث گوشت کی بڑی مقدار ضائع

سچ خبریں: اسرائیل کے ایک بڑے صنعتی سردخانے میں درجہ حرارت کنٹرول کرنے والے نظام میں تکنیکی خرابی کے بعد، کمپنی کو لاکھوں ڈالر کا نقصان ہوا ہے۔

واضھ رہے کہ بیمہ کمپنی "شلومو” نے اعلان کیا ہے کہ صنعتی سامان میں خلل کی وجہ سے ہونے والے نقصان کو بیمہ کے تحت کور نہیں کیا جائے گا۔

یہ گوشت کی پیداوار اور ذخیرہ کرنے والا مرکز "بیت شمش” میں واقع ہے، جہاں اس واقعے کے بعد سینکڑوں ٹن گوشت کو پیداواری عمل سے خارج کرنا پڑا۔ تکنیکی ماہرین کے مطابق، سردخانے کے کمرے میں درجہ حرارت غیرمعمولی طور پر بڑھ گیا، جبکہ کنٹرول سسٹم -18 ڈگری سینٹی گریڈ کا درست درجہ حرارت دکھا رہا تھا۔ نتیجتاً، صنعتی فریزر میں رکھا گیا بڑی مقدار میں گوشت پگھل گیا اور خراب ہو گیا۔

بیمہ کمپنی نے کہا ہے کہ چونکہ واقعے کی وجہ نامعلوم ہے، اس لیے وہ بیمہ کے وعدوں کو پورا نہیں کر سکتی۔ یہ گزشتہ ایک ماہ میں غذائی اجناس کے بڑے پیمانے پر ضائع ہونے کا کئیواں واقعہ ہے، جس میں خراب ہونے والی غذائی اشیاء کو دوبارہ منجمد کر کے مقبوضہ علاقوں کے باشندوں میں تقسیم کیا گیا۔