بن گوریون ایئرپورٹ، مقبوضہ قدس کا پاور پلانٹ اور امریکی بحری جہاز؛ یمنی میزائلوں کے نئے نشانے

🗓️ 31 دسمبر 2024

سچ خبریں:یمن کی مسلح افواج کے ترجمان نے مقبوضہ علاقوں پر منفرد میزائل آپریشنز کی خبر دی ہے جس میں بن گوریون ایئرپورٹ، مقبوضہ قدس کا پاور پلانٹ اور امریکی بحری جہاز کو نشانہ بنایا گیا

المسیرہ نیوز چینل کی رپورٹ کے مطابق، یمن کی مسلح افواج کے ترجمان یحییٰ سریع نے اعلان کیا کہ یمن کی میزائل یونٹ نے مقبوضہ یافا اور جنوبی قدس کے خلاف دو منفرد فوجی کارروائیاں کیں۔

یہ بھی پڑھیں: یمنیوں کے ہاتھوں صیہونیوں کی نیندیں حرام

انہوں نے بتایا کہ ان کارروائیوں کے دوران دو میزائل داغے گئے جو اپنے اہداف کو کامیابی سے نشانہ بنانے میں کامیاب رہے۔

یحییٰ سریع نے وضاحت کی کہ پہلی کارروائی میں بن گوریون ایئرپورٹ کو فلسطین 2 سپر سونک بیلسٹک میزائل سے نشانہ بنایا گیا، جبکہ دوسری کارروائی میں جنوبی مقبوضہ قدس میں بجلی پیدا کرنے والے پلانٹ کو ذوالفقار بیلسٹک میزائل سے ہدف بنایا گیا۔

ان کارروائیوں کے ساتھ ہی امریکی طیارہ بردار جہاز یو ایس ایس ہیری ٹرومین کے خلاف بھی ایک اور آپریشن کیا گیا۔

یحییٰ سریع نے مزید بتایا کہ یہ آپریشنز امریکی افواج کی یمن کے خلاف بڑے فضائی حملے کی تیاری کے دوران متعدد ڈرونز اور گائیڈڈ میزائلز کے ذریعے انجام دیے گئے۔

مزید پڑھیں: یمنی فوج کے بن گوریون ہوائی اڈے پر جوابی حملے 

انہوں نے کہا کہ ہماری بحری کارروائی بھی کامیاب رہی اور امریکی فضائی حملے کو ناکام بنایا گیا، یمن نے اپنی جنگی افواج کی تیاری کو صہیونی دشمن کی دھمکیوں سے نمٹنے کے لیے مزید بڑھا دیا ہے۔