سچ خبریں:محمد بن سلمان جلد ہی اپنے کزن جو کچھ عرصہ پہلے تک یمن میں سعودی فوج کے کمانڈر تھے ایک فوجی عدالت کے ثبوت اور شواہد کی بنیاد پر پھانسی اسکواڈ کے حوالے کرنے والے ہیں۔
فارس گلف افیئرز انسٹی ٹیوٹ کی ایک رپورٹ کے مطابق بن سلمان نےاپنے چچا زاد بھائی شہزادہ فہد بن ترکی بن عبدالعزیز کو سزائے موت سنائی ہے،یادرہے کہ سعودی عرب کے موجودہ بادشاہ کے بھتیجے پر غداری کے الزامات کے تحت مقدمہ چلایا گیا تھا اور ان پر سعودی عرب اور اس کے ولی عہد شہزادہ محمد بن سلمان کے خلاف بغاوت کی منصوبہ بندی کرنے کا الزام بھی عائد کیا گیا ہے۔
واضح رہے کہ فہد بن ترکی کو گذشتہ ستمبر میں اپنے بڑے بیٹے عبد العزیز الجوف کے نائب گورنر کے ساتھ بدعنوانی کے الزامات میں گرفتار کیا گیا تھا،سعودی شہزادے کو غداری کے جرم میں سزائے موت سنائی گئی ہے جبکہ اس سے قبل ان پر بدعنوانی کا الزام عائد کیا گیا تھا اور ریاض میں 100 سے زائد پلاٹوں کی اراضی کو اپنے چار بچوں کو منتقل کرنے سے متعلق دستاویزات جاری کی گئیں۔
قابل ذکر ہے کہ فہد بن ترکی سعودی عرب کے شاہ عبداللہ کےداماد بھی ہیں جو شاہ عبد اللہ کی بیٹی عبیر ان کی بیوی ہیں جو اپنے شوہر اور بچے کی گرفتاری سے قبل ہی ملک سے فرار ہوگئی تھیں اور اب اسکاٹ لینڈ میں مقیم ہیں۔
رپورٹ کے مطابق اس بات پر غور کرتے ہوئے کہ شاہ عبداللہ کی جائیداد کا کچھ حصہ ان کی بیٹی کو ملا اورانھوں نے اسے اپنے بچوں میں بانٹ دیا، محمد بن سلمان نے ان کی ساری دولت ضبط کرنے کی کوشش کی ہے ۔