بقائی کا امریکہ کے ایران کی جہازوں کے خلاف بحری ڈکیتی کے اعتراف پر ردعمل

سچ خبریں:اسماعیل بقائی، ترجمان وزارت خارجہ ایران نے امریکی صدر کے ایران کے تجارتی جہازوں کے خلاف بحری ڈکیتی کے اعتراف پر سوشل میڈیا پلیٹ فارم ایکس (سابقہ ٹوئٹر) پر اپنے ردعمل میں کہا ہے کہ امریکی صدر نے ایرانی جہازوں کی غیرقانونی تحویل کو صراحتاً بحری ڈکیتی قرار دیا ہے اور بے باکی سے یہ دعویٰ کیا ہے کہ ہم ڈاکوؤں کی طرح کام کرتے ہیں۔

ترجمان وزارت خارجہ نے مزید کہا کہ یہ کوئی محض لفظی چوک نہیں بلکہ بین الاقوامی بحری تجارت کے خلاف ان کی کارروائیوں کے مجرمانہ کردار کا کھلا اعتراف ہے۔

اسماعیل بقائی نے واضح کیا کہ عالمی برادری، اقوام متحدہ کے رکن ممالک اور اقوام متحدہ کے سیکرٹری جنرل کو بین الاقوامی قوانین کی اس طرح کی واضح خلاف ورزیوں کو معمول بنانے کے خلاف بھرپور موقف اختیار کرنا چاہیے۔