برطانیہ کی ایک بار پھر روس کو سخت پابندیوں کی دھمکی

?️ 23 فروری 2022

سچ خبریں:برطانوی وزیر اعظم بورس جانسن نے اعلان کیا ہے کہ ان کا ملک روس پر سخت پابندیاں عائد کرے گا۔
رشیا ٹوڈے کی رپورٹ کے مطابق برطانوی وزیر اعظم بورس جانسن نے منگل کو اعلان کیا کہ ان کا ملک دو خطوں لوہانسک اور ڈونیٹسک کو تسلیم کرنے کے بعد روس پر پابندیاں عائد کرے گا،دریں اثناء روس کے صدر ولادیمیر پیوٹن نے پیر کی شام ایک تقریر میں کہا کہ مشرقی یوکرائن میں واقع ڈونباس کے علاقے کی صورتحال نازک مرحلے پر پہنچ گئی ہے۔

ولادیمیر پیوٹن نے مزید کہاکہ ہم نے فوری طور پر ڈونیٹسک اور لوہانسک علاقوں کی آزادی کو تسلیم کرنے کا فیصلہ کیا ہے جس کے بعد برطانوی حکومت کے عہدہ دار بشمول سکریٹری خارجہ لز ٹیریس، متعدد مواقع پر بارہا کہہ چکے ہیں کہ اگر روس نے یوکرائن پر حملہ کیا تو وہ روس پر سخت پابندیاں عائد کرنے کا ارادہ رکھتے ہیں۔