سچ خبریں:بحرین کی آل خلیفہ حکومت نے صیہونی حکومت کے ساتھ ایلومینیم کی تجارت شروع کر دی ہے۔
روئٹرز نیوز ایجنسی کی رپورٹ کے مطابق اتوار کے روز منامہ سے شائع ہونے والے الایام اخبار نے بحرین میں اسرائیلی سفیر ایتھن نائی کے حوالے سے بتایا ہے کہ صیہونی حکومت نے بحرین سے ایلومینیم کی درآمد شروع کر دی ہے،یاددہے کہ 2021 میں بحرین اور صیہونی حکومت کے درمیان تعلقات کو معمول پر لانے کے معاہدے کے ایک سال بعد نائی کو بحرین میں حکومت کا پہلا سفیر مقرر کیا گیا ۔
نائی نے بحرین سے اسرائیلی ایلومینیم کی درآمد کی مقدار یا قیمت کی وضاحت نہیں کی، اخبار کے مطابق اسرائیلی ایئر لائن ایل ایل جلد ہی منامہ کے لیے پروازیں شروع کر دے گی جبکہ بحرین گلف ایئر نے ستمبر میں تل ابیب کے لیے براہ راست پروازیں شروع کرنے کا اعلان کیا تھا۔
یادرہے کہ فلسطینیوں کی پیٹھ میں چھرا مارتے ہوئے اور عالم اسلام کے ساتھ غداری کرتے ہوئے کچھ عرب ریاستوں نے غاصب اور فلسطینی بچوں کی قاتل صیہونی حکومت کے ساتھ اپنے تعلقات کو معمول پر لانے کا معاہدہ کیا ہے جبکہ عالم اسلام میں اس اقدام کو سخت تنقید کا نشانہ بنایا گیا اور اسے اسلام کے ساتھ ان عرب ریاستوں کی غداری قرار دیا گیا ہے نیز عربوں کے اس اقدام کے بعد فلسطینی عوام کے خلاف صیہونیوں کے مظالم میں کافی تیزی دیکھنے کی ملی ہے۔
