ایک محاذ ایک قوم

?️ 16 مئی 2021

سچ خبریں:شام کے وزیر خارجہ نے فلسطین لبریشن آرگنائزیشن کے ڈائریکٹر جنرل سے ملاقات کے دوران کہا کہ ہم فلسطین کی ہرضرورت کو پورا کرنے کے لئے تیار ہیں ، کیونکہ فلسطین ہمارا پہلا اور اہم مسئلہ ہے۔
العہد نیوز ایجنسی کی رپورٹ کے مطابق شام کے وزیر خارجہ فیصل المقداد نے کہا ہے کہ فلسطین کو جو بھی ضرورت ہو ہم دینے کے لئے تیار ہیں کیونکہ فلسطین ہمارا پہلا اور اہم مسئلہ ہے، فلسطین لبریشن آرگنائزیشن کے پولیٹیکل بیورو کے ڈائریکٹر جنرل انور عبد الہادی سے ملاقات کے دوران شام کے وزیر خارجہ نے مزید کہاکہ فلسطینی عوام کے لئے معجزاتی کام انجام دینا کوئی عجیب بات نہیں ہے، اسرائیل اور امریکی حمایت یافتہ فوجی مشین کے ساتھ محاذ آرائی ایک معجزہ سے کم نہیں ہے۔

انہوں نے فلسطینی عوام کی مزاحمت کی تعریف کی اور زور دیاکہ شام فلسطینی عوام اور اس کی جائز اور قومی جدوجہد کے ساتھ کھڑے ہونے کی پوری کوشش کرے گا، شام کے وزیر خارجہ نے یہ بھی کہا کہ اس جدوجہد نے صیہونیوں کے ساتھ سمجھوتہ کرنے والے ممالک اور بین الاقوامی برادری میں اقوام کی آزادی اور حقوق کے دفاع کے دعویداروں کا نقاب اتار دیا ہے کیونکہ بدقسمتی سے اس ناکام معاشرے کو مضبوط مسلح افواج کی مدد حاصل ہے۔

انہوں نے مزید کہا کہ ایک دن ہم مل کر جیتیں گے کیونکہ ہمیں شام میں اسرائیلی حمایت یافتہ دہشت گردی کا سامنا کرنا پڑا اور آپ کو بھی براہ راست اسرائیلی دہشت گردی کا سامنا ہے، ہم ایک مضبوط اتحاد ہیں اور ہم ایک قوم ہیں۔

انور عبد الہادی نے بھی اس اجلاس میں اشارہ کیاکہ یوم سیاہ کی برسی کے موقع پر فلسطین کی مستحکم قوم نے نسل پرستانہ قابض فاشسٹ حکومت کے مقابلہ میں اس تاریخی مہاکاوی کی نشاندہی کی اور اس حکومت کا مقابلہ کرنے کے لئے صرف دستیاب اوزاروں کا استعمال کیا جس سے صیہونیوں کے حواس باختہ ہوگئے۔