ایران کے ساتھ سمجھوتہ کرنا چاہتا ہوں:ٹرمپ

?️ 12 دسمبر 2025

ایران کے ساتھ سمجھوتہ کرنا چاہتا ہوں:ٹرمپ

امریکی صدر ڈونلڈ ٹرمپ نے اپنے سابقہ دعووں کو دہراتے ہوئے ایک بار پھر کہا ہے کہ وہ ایران کے ساتھ ایک نئے معاہدے تک پہنچنے کے خواہشمند ہیں۔

 ڈونلڈ ٹرمپ نے وائٹ ہاؤس میں پریس کانفرنس سے خطاب کرتے ہوئے کہا کہ وہ ایران کے ساتھ سمجھوتہ کرنے میں “بہت دلچسپی رکھتے ہیں اور ان کے بقول تہران بھی معاہدے کا خواہاں ہے۔

ٹرمپ نے اوول آفس میں صحافیوں سے گفتگو میں کسی ممکنہ معاہدے کی تفصیلات یا اس کے فریم ورک پر روشنی نہیں ڈالی، تاہم دعویٰ کیا کہ “ایران موجودہ حالات میں مذاکرات کے لیے تیار ہے۔” انہوں نے کہا کہ ان کی حکومت نے “مذاکرات کا دروازہ کھلا” رکھا ہے اور ہر معاہدہ امریکہ کے مفاد اور خطے کی سلامتی کو یقینی بنانا چاہیے۔

ان بیانات کے برعکس ایران بارہا واضح کر چکا ہے کہ وہ کبھی مذاکرات سے نہیں ہٹا اور یہ امریکہ ہی تھا جو بیک وقت مذاکرات کا دعویٰ کرتا رہا اور اسرائیل کے ساتھ مل کر ایران کی ایٹمی تنصیبات پر حملے بھی انجام دیتا رہا۔

ایران کا مؤقف ہے کہ یورینیم کی افزودگی اس کی بنیادی ضرورت ہے اور اس پر کسی قسم کی بات چیت قبول نہیں کی جائے گی۔ٹرمپ نے اپنے بیان کے اختتام پر دوبارہ دعویٰ کیا کہ “اگر ایران چاہے تو ہم بہت جلد ایک شاندار معاہدے تک پہنچ سکتے ہیں۔