ایران کے بارے میں ٹرمپ کے نئے دعووں پر بقائی کا ردعمل

سچ خبریں:ایران کی وزارت خارجہ کے ترجمان اسماعیل بقائی نے امریکی صدر ڈونلڈ ٹرمپ کے حالیہ بیانات پر سخت ردعمل دیتے ہوئے کہا ہے کہ ایران نے لازم ہے کی زبان سے 47 سال پہلے ہی وداع کہہ دیا تھا۔

 انہوں نے واضح کیا کہ ایران صرف اپنی قومی مفادات کی بنیاد پر فیصلے کرتا ہے، نہ کہ امریکی احکامات کی روشنی میں۔

ترجمان نے ٹرمپ کے اس دعوے پر کہ ایران کو آبنائے ہرمز کو کھولنا چاہیے اور یہ کہ آبنائے پہلے ہی کھل چکی ہے، کہا کہ امریکی عہدیداروں کو چاہیے کہ وہ ایران کے بارے میں لازم ہے اور نہیں کرنا چاہیے کے بجائے درخواست کی زبان استعمال کریں۔ انہوں نے مزید کہا کہ ابھی تک پیغامات کا تبادلہ جاری ہے، لیکن حتمی تفہیم حاصل نہیں ہوئی ہے۔

بقائی نے اس مرحلے پر ایران کی اولین ترجیح جنگ کے خاتمے کو قرار دیا، جبکہ جوہری مسئلے پر توجہ مرکوز نہ کرنے کی تصدیق کی۔ انہوں نے یورینیم کی افزودگی سے متعلق کسی بھی تفصیلی بات چیت سے انکار کیا۔

بحری ناکہ بندی کے حوالے سے ٹرمپ کے دعوے پر ردعمل دیتے ہوئے ترجمان نے کہا کہ امریکیوں کی نام نہاد بحری ناکہندی دراصل جنگ بندی کی خلاف ورزی اور بین الاقوامی بحری آزادی میں رکاوٹ ہے۔ انہوں نے کہا کہ دیکھنا یہ ہے کہ آیا امریکہ عملاً اپنی بات پر عمل کرتا ہے یا یہ محض ایک پروپیگنڈا ہے۔

آبنائے ہرمز کے بارے میں بات کرتے ہوئے بقائی نے کہا کہ یہ آبنائے ایران اور عمان کی علاقائی پانیوں میں واقع ہے۔ انہوں نے واضح کیا کہ متخاصم جنگی جہازوں کا آبنائے ہرمز سے گزر ممنوع ہے، جبکہ تجارتی جہاز ایران کی مسلح افواج کے ساتھ ہم آہنگی کرکے گزر سکتے ہیں۔ انہوں نے کہا کہ ایران اور عمان کو بطور ذمہ دار ساحلی ممالیک اپنی قومی سلامتی اور مفادات کے تحفظ کے ساتھ ساتھ عالمی برادری کو محفوظ بحری گزرگاہ کا یقین دلانے کے لیے طریقہ کار وضع کرنا ہوگا۔