ایران جنگ میں ہمارے پاس گولہ بارود ختم ہو گیا ہے: سینیٹر کلی

سچ خبریں: مارک کلی نے امریکی-صہیونی کے ایران  کے خلاف غیرقانونی حملوں اور ٹرمپ انتظامیہ کی جانب سے مزید بجٹ کی درخواست پر ردعمل ظاہر کیا ہے۔ 

سی بی ایس نیوز سے گفتگو کرتے ہوئے انہوں نے واضح کیا کہ ہمیشہ دوسرے آپشنز بھی موجود ہوتے ہیں۔ باراک اوباما کے دور صدارت میں ایران کے جوہری پروگرام کو کم سطح پر رکھنے والا ایٹمی معاہدہ (JCPOA) ڈونلڈ ٹرمپ نے ختم کر دیا، جس کے باعث ہم آج اس مقام پر کھڑے ہیں۔

سینیٹر کلی نے کہا کہ موجودہ انتظامیہ کی طرف سے ڈیڑھ ٹریلین ڈالرز کی فوجی امداد کی درخواست چونکا دینے والی ہے۔ انہوں نے بتایا کہ جب وہ ساڑھے پانچ سال قبل سینیٹ میں داخل ہوئے تھے، تب امریکی دفاعی بجٹ سات سو ارب ڈالرز سے کچھ زیادہ تھا، لیکن اب ٹرمپ انتظامیہ نے دوگنی رقم طلب کر لی ہے، جو دنیا کے باقی ممالک کے مجموعی دفاعی اخراجات کے تقریباً دوگنا ہے۔

مارک کلی نے مزید کہا کہ چین اور روس ایران کی حمایت کر رہے ہیں اور یوں تینوں ممالک ایک دوسرے کے اتحادی بن چکے ہیں، جس پر انہیں کوئی حیرت نہیں ہے۔ پینٹاگون نے مخصوص ہتھیاروں کے بارے میں معلومات فراہم کی ہیں۔ ان کے مطابق اعدادوشمار چونکا دینے والے ہیں اور ظاہر کرتے ہیں کہ ہم نے اپنے گولہ بارود کے ذخائر کس حد تک استعمال کر لیے ہیں۔ صدر نے ملک کو بغیر کسی اسٹریٹجک ہدف، منصوبہ، یا وقتی حد کے جنگ میں ڈھکیل دیا، جس کے نتیجے میں ہم نے بے پناہ گولہ بارود استعمال کیا اور اس سے امریکی عوام کی سلامتی کمزور ہوئی ہے۔ انہوں نے جنگ کے وزیر سے پوچھا کہ اس گولہ بارود کی بحالی میں کتنا وقت لگے گا، تو جواب ملا کہ سالوں کا عرصہ درکار ہوگا۔