انڈونیشیا کا فلسطینی طلباء کو اسکالرشپ دینے کا اعلان

?️ 26 نومبر 2023

سچ خبریں: انڈونیشیا کے میڈیا نے اعلان کیا کہ فلسطینی عوام کی مدد کے لیے انڈونیشیا کی متعدد یونیورسٹیاں فلسطینی طلباء کو اسکالرشپ کی پیشکش کر رہی ہیں۔

یونیورسٹی ورلڈ نیوز کے مطابق 16 نومبر کو انڈونیشیا میں فلسطینی سفیر زہیر الشون اور آچے صوبے کی سیاح کوالا یونیورسٹی کے سربراہ مروان ریکٹر کے درمیان طے پانے والے ایک معاہدے کے بعد انڈونیشیا کی یونیورسٹیوں کی جانب سے فلسطینی طلباء کو اسکالرشپ دیے جانے کا فیصلہ کیا گیا جس کے بعد کہا جا رہا ہے کہ اس یونیورسٹی میں 50 فلسطینی طلباء اسکالرشپ پر تعلیم حاصل کریں گے۔

یہ بھی پڑھیں: صیہونی حکومت کی انڈونیشیا کے ساتھ تعلقات کو معمول پر لانے کی کوشش

اس یونیورسٹی نے اسکالرشپ کے علاوہ 110 ملین انڈونیشین روپیہ (تقریباً 7070 امریکی ڈالر) فلسطینی طلباء کی مدد کے لیے مختص کیے ہیں۔

سیاح کوالا یونیورسٹی کے صدر نے آچے کے عوام سے فلسطینیوں کے لیے مزید امداد کی اپیل کی اور کہا کہ یہ فلسطینیوں کے لیے انسانی ہمدردی ہے جو اسرائیلی جارحیت کا شکار ہیں۔

اس یونیورسٹی کے علاوہ انڈونیشیا کی وزارت دفاع کی طرف سے بھی فلسطینی طلباء کے لیے اسکالرشپ فراہم کیے جاتے ہیں،انڈونیشیا کے وزیر دفاع پرابوو سوبیانتو کے مطابق یہ طلباء انڈرگریجویٹ سطح پر پانچ سال تک ڈیفنس یونیورسٹی میں تعلیم حاصل کریں گے۔

مشرقی جاوا میں واقع ایرلنگا یونیورسٹی نے بھی پانچ فلسطینی طلباء کو اسکالرشپ دی ہے،یونیورسٹی کے صدر پروفیسر محمد ناصح نے سورابایا میں 15 نومبر کو یونیورسٹی کے قیام کی 69 ویں سالگرہ کے موقع پر ان طلباء کو باضابطہ طور پر اسکالرشپ دیے جانے کا اعلان کیا۔

واضح رہے کہ انڈونیشیا کے فلسطین کے ساتھ قریبی تعلقات نیز فلسطین کے لیے اس ملک کی امداد میں ہم 140 بستروں پر مشتمل انڈونیشیا کے اسپتال کی تعمیر کی مالی اعانت کا ذکر کر سکتے ہیں جو 2016 میں غزہ شہر کے شمال میں کھولا گیا تھا۔
یہ ہسپتال شمالی غزہ کا واحد فعال ہسپتال تھا یہاں تک کہ اسے 20 نومبر کو صہیونی افواج نے نشانہ بنایا۔

مزید پڑھیں: صیہونیوں کی مخالفت کے جرم میں انڈونیشیا ورلڈ کپ کی میزبانی سے محروم

فلسطینی طلباء کے لیے اسکالرشپ پروگرام تعلیم کے شعبے میں انڈونیشیا-فلسطین تعاون کا حصہ ہے جس پر انڈونیشیا کے وزیر دفاع سوبیانتو اور فلسطینی وزیر اعظم محمد اشتیہ نے گزشتہ اکتوبر میں جکارتہ میں دستخط کیے تھے۔