امریکہ یوکرین میں فوج بھیجنے کے لیے تیار

?️ 23 اکتوبر 2022

سچ خبریں:امریکی فوج کے 101ویں ایئر بورن ڈویژن کے ہیڈ کوارٹر کا کہنا ے کہ ماسکو اور کیف کے درمیان کشیدگی بڑھنے یا نیٹو کے رکن کسی ملک پر حملہ ہونے کی صورت میں ہماری افواج یوکرین میں داخل ہونے کے لیے تیار ہیں۔

امریکی چینل سی بی ایس نیوز نے امریکی فوج کے 101 ویں ایئر بورن ڈویژن کے ہیڈ کوارٹر کے حوالے سے بتایا ہے کہ ماسکو اور کیف کے درمیان مزید کشیدگی یا نیٹو کے رکن کسی بھی ملک پر حملے کی صورت میں امریکی فوج کا 101 ویں ایئر بورن ڈویژن یوکرین میں داخل ہونے کے لیے تیار ہے۔

امریکی چینل نے اس ڈویژن کے ڈپٹی کمانڈر بریگیڈیئر جنرل جان لوباس کے حوالے سے اطلاع دی کہ ہم نیٹو کی سرزمین کے ایک ایک انچ کے دفاع کے لیے تیار ہیں، در ایں اثنا دوسری بریگیڈ کی جنگی ٹیم کے کمانڈر کرنل ایڈون میٹیڈس نے کہا کہ رومانیہ میں تعینات ان کے دستے روسی افواج پر کڑی نظر رکھے ہوئے ہیں اور تربیت کے لیے اہداف طے کر رہے ہیں نیز جنگی مشقیں کر رہے ہیں ۔

واضح رہے کہ ٹاس نیوز ایجنسی سے سی بی ایس کا حوالہ دیتے ہوئے لکھا کہ مجموعی طور پر فورٹ کیمبل، کینٹکی میں 101 ویں ایئر بورن ڈویژن کے ہوم بیس سے 4700 فوجیوں کو نیٹو کے مشرقی حصے کو تقویت دینے کے لیے تعینات کیا گیا ہے۔