سچ خبریں:اقوام متحدہ کے سکریٹری جنرل نے قرآن پاک کی ایک آیت کی مدد سے مذہب اسلام اور مسلمانوں کی تعریف کی جو مہاجرین کو قبول کرنے میں بہت اچھا جذبہ رکھتے ہیں۔
اسپوٹنک نیوز ایجنسی کی ویب سائٹ کے مطابق اقوام متحدہ کے سکریٹری جنرل انتونیو گوتریس نے قرآن پاک کی ایک آیت پڑھ کر اس بات پر زور دیا کہ1400 سال پہلے آنے والے اسلام کا پیغام لوگوں کے لیے امن، محبت اور معافی پر مبنی ہے۔
انہوں نے اس بات کی طرف اشارہ کرتے ہوئے کہ اسلام ان مسائل کی بنیاد پر پوری دنیا کے لوگوں کے لیے الہام کا ذریعہ بنا ہے، مزید کہا کہ جب میں اقوام متحدہ کا ہائی کمشنر برائے مہاجرین تھا تو میں نے اپنا وطن چھوڑنے پر مجبور کیے جانے والے پناہ گزینوں کے لیے مسلم ممالک کی سخاوت کو دیکھا جنہوں نے ان کے لیے اپنے ملکوں کے دروازے کھول دیے وہ بھی ایسے وقت میں جبکہ بہت سے ممالک نے مہاجرین کے لیے اپنی سرحدیں بند کر دی تھیں۔
گٹیرس نے اپنی بات کی وضاحت کے لیے، سورہ توبہ کی آیت 6 ؛ وَإِنْ أَحَدٌ مِّنَ الْمُشْرِكِينَ اسْتَجَارَكَ فَأَجِرْهُ حَتَّىٰ يَسْمَعَ كَلَامَ اللَّهِ ثُمَّ أَبْلِغْهُ مَأْمَنَهُ ۚ ذَٰلِكَ بِأَنَّهُمْ قَوْمٌ لَّا يَعْلَمُونَ(اور اگر مشرکین میں کوئی تم سے پناہ مانگے تو اسے پناہ دے دو تاکہ وہ کتاب خدا کو سن سکے، اس کے بعد اسے آزاد کرکے جہاں اس کی پناہ گاہ ہو وہاں تک پہنچا دو اور یہ مراعات اس لئے ہے کہ یہ جاہل قوم حقائق سے آشنا نہیں ہے) کا انگریزی ترجمہ پڑھا۔
