اسلام آباد میں فلسطین سے اظہارِ یکجہتی، آزاد ریاست کے قیام کا مطالبہ

اسلام آباد میں فلسطین سے اظہارِ یکجہتی، آزاد ریاست کے قیام کا مطالبہ

پاکستان کے دارالحکومت اسلام آباد میں جمعرات کے روز فلسطینی عوام کے ساتھ اظہارِ یکجہتی کے لیے ایک عظیم الشان اجتماع منعقد ہوا، جس میں ہزاروں شہریوں نے شرکت کر کے اسرائیلی جارحیت کے خلاف اور فلسطین کی آزادی کے حق میں پرجوش نعرے لگائے۔

یہ اجتماع جماعتِ اسلامی پاکستان کی جانب سے یومِ ہمبستگی فلسطین کے عنوان سے طوفان الاقصیٰ آپریشن کی دوسری سالگرہ اور غزہ پر جاری صہیونی حملوں کے پس منظر میں منظم کیا گیا۔

مظاہرین نے ہاتھوں میں فلسطینی پرچم اور بینرز اٹھا رکھے تھے جن پر نعرے درج تھے:اسرائیل مردہ باد، امریکہ فلسطین کا دشمن، آزاد فلسطین ہمارا مقصد شرکا نے عالمی برادری سے مطالبہ کیا کہ 1967ء کی سرحدوں کے مطابق ایک آزاد، خودمختار اور متحد فلسطینی ریاست قائم کی جائے، جس کا دارالحکومت قدس شریف ہو۔

اجتماع سے خطاب کرتے ہوئے حافظ نعیم الرحمان، امیر جماعتِ اسلامی پاکستان نے کہا کہ:”آج دنیا دیکھ رہی ہے کہ فلسطینی عوام اور حماس نے اسرائیل کے غرور کو میدانِ جنگ اور سفارت دونوں میں توڑ دیا ہے۔

انہوں نے کہا کہ غزہ میں ہونے والا فائر بندی معاہدہ دراصل حماس کی عسکری قوت اور سیاسی بصیرت کی فتح ہے۔حافظ نعیم نے خبردار کیا کہ مسلم دنیا دشمنوں کی ان سازشوں سے ہوشیار رہے جو فلسطین کے مسئلے کو ہمیشہ کے لیے دفن کرنا چاہتے ہیں۔

اسی دوران فلسطینی تنظیم حماس نے باضابطہ طور پر جنگ بندی اور اسیران کے تبادلے کے معاہدے کا اعلان کیا۔بیان میں کہا گیا ہے کہ مذاکرات کے نتیجے میں ایک ایسے تاریخی معاہدے پر اتفاق ہوا ہے جس کے تحت غزہ پر حملے بند، اسرائیلی فوج کی واپسی، انسانی امداد کی ترسیل اور قیدیوں کا تبادلہ شامل ہے۔

وزیرِاعظم شہباز شریف نے بھی معاہدے کا خیرمقدم کرتے ہوئے کہا کہ:”یہ جنگ بندی غزہ میں نسل کشی کے خاتمے اور مشرقِ وسطیٰ میں دیرپا امن کے قیام کے لیے ایک تاریخی موقع ہے۔

انہوں نے مسجد الاقصیٰ کی بے حرمتی کی شدید مذمت کرتے ہوئے عالمی برادری سے اپیل کی کہ فلسطینی عوام کے بنیادی حقوق کا تحفظ یقینی بنایا جائے۔