اسرائیل کی 5 بڑی یونیورسٹیوں کے صدور کا نیتن یاہو کو خط لکھا،غزہ کا محاصرہ ختم کرو

اسرائیل کی 5 بڑی یونیورسٹیوں کے صدور کا نیتن یاہو کو خط لکھا،غزہ کا محاصرہ ختم کرو

 اسرائیل کی پانچ اہم ترین جامعات کے سربراہان نے اسرائیلی وزیراعظم بنیامین نتنیاہو کو ایک سخت اور تنقیدی خط ارسال کرتے ہوئے مطالبہ کیا ہے کہ غزہ میں جاری قحط، بھوک اور انسانی بحران کا فوری خاتمہ کیا جائے۔

یہ خط سیکیورٹی نیوز ویب سائٹ والا نیوز  کے مطابق یہ مراسلہ پیر کی صبح بھیجا گیا۔ خط میں غزہ کی صورتحال کو "خوفناک اور ناقابلِ برداشت” قرار دیا گیا ہے، خاص طور پر بچوں اور نوزائیدہ افراد پر اس کے مہلک اثرات پر گہری تشویش ظاہر کی گئی ہے۔

انسانی بحران اور علمی برادری کا مؤقف

خط پر دستخط کرنے والوں میں تل ابیب یونیورسٹی، عبری یونیورسٹی، اوپن یونیورسٹی، وائز مین انسٹی ٹیوٹ اور ٹخنیون یونیورسٹی کے صدور شامل ہیں۔ ان تعلیمی رہنماؤں نے نتنیاہو سے مطالبہ کیا کہ وہ اسرائیلی فوج اور دیگر سیکیورٹی اداروں کو فوری اقدامات کی ہدایت دیں تاکہ معصوم شہریوں کی جانیں بچائی جا سکیں۔

خط میں کہا گیا ہے کہ ہمارا بھی فرض ہے کہ ہم تمام ممکنہ ذرائع استعمال کریں تاکہ بے گناہ مرد، خواتین اور بچوں کو غیر منصفانہ اور بے رحم نقصان سے بچایا جا سکے۔

انسانیت کی پامالی پر کڑی تنقید

جامعات کے سربراہان نے خط میں غزہ کی بنیادی تنصیبات کی منظم تباہی اور "انسانی شہر” بنانے جیسے منصوبوں کو غیر انسانی قرار دیا۔ ان کا کہنا تھا کہ یہ اقدامات اسرائیل کے لیے طویل المدتی نقصان کا باعث بنیں گے۔

خط کے آخر میں انہوں نے نتنیاہو کی کابینہ کے بعض انتہاپسند وزراء کی ان بیانات پر بھی شدید تنقید کی جن میں غزہ کی آبادی کے خاتمے کی حمایت کی گئی تھی۔ خط میں واضح طور پر لکھا گیا:

ہم حکومت اور آپ سے ان بیانات کی غیر مشروط اور دو ٹوک مذمت کا مطالبہ کرتے ہیں کیونکہ یہ انسانیت سوز جرائم اور جنگی جرائم کے زمرے میں آتے ہیں۔”

اس خط پر دستخط کرنے والوں میں شامل ہیں آلون خن  صدر، وائز مین انسٹی ٹیوٹ،آشر کوہن  صدر، عبری یونیورسٹی،اوری سیوان  صدر، ٹخنیون یونیورسٹی،پروفیسر آریئل پورات صدر، تل ابیب یونیورسٹی،لیو کوری  صدر، اوپن یونیورسٹی

عالمی اداروں کی تشویش

ادھر عالمی ادارہ صحت (WHO) نے بھی غزہ میں غذائی قلت اور طبی سہولیات کی عدم دستیابی پر شدید تشویش کا اظہار کیا ہے۔ صرف جولائی 2025 میں غذائی قلت سے 74 افراد جاں بحق ہوئے، جن میں 24 بچے بھی شامل ہیں۔

عالمی ادارے نے واضح کیا کہ امدادی سامان کی دانستہ تاخیر اور رکاوٹیں ہزاروں جانوں کے ضیاع کا باعث بن رہی ہیں، جبکہ اس بحران کو اب بھی روکا جا سکتا ہے۔