اسرائیل کی شکست یقینی ہے: شیخ نعیم قاسم

سچ خبریں: لبنان کی اسلامی مزاحمتی تحریک حزب اللہ کے نائب سیکرٹری جنرل محترم شیخ نعیم قاسم نے پیجر بم دھماکے میں زخمی ہونے والے مجاہدین سے خطاب کرتے ہوئے تاریخی اور پرجوش بیانات دیے۔

انہوں نے کہا کہ آپ روشنی ہیں، آپ حقیقی زندگی کی دھڑکن ہیں، آپ بصیرت کے علمبردار، امید کی کنجی، ابدی زندگی سے محبت اور حیات کے نور ہیں۔ آپ معلم، مربی، رہنما اور جہاد کو جاری رکھنے والے ہیں۔

انہوں نے مزید کہا کہ دشمن آپ کے کردار کو ختم کرنا چاہتا تھا لیکن آپ اب بھی اپنا کردار ادا کر رہے ہیں۔ اپنے سفر کو جاری رکھیں کیونکہ آپ کے کام کی بہت زیادہ اہمیت ہے اور آپ سید الشہداء اور رہنماؤں کے راستے پر گامزن ہیں۔ جان لیں کہ اسرائیل ضرور گرے گا کیونکہ یہ قابض، ظالم، مجرم اور غاصب ہے اور مجاہدین مکمل آزادی تک اس کا مقابلہ کریں گے۔

شیخ نعیم قاسم نے زخمیوں سے کہا کہ آپ اپنے زخموں کے علاج سے گزر رہے ہیں اور اس پر قابو پا لیں گے۔ آپ نے امتحان میں کامیابی حاصل کی ہے اور اب صحت یاب ہو رہے ہیں۔ آپ بصیرت کی راہ پر چل رہے ہیں جو عام نظر سے کہیں بڑی اور اہم ہے۔

انہوں نے تین اہم نکات بیان کیے: اول، آپ کی صحت یابی سب سے اہم چیز ہے۔ آپ حضرت عباس علیہ السلام کے پیروکار ہیں اور کامیاب ہوئے ہیں۔ دوم، آپ مستقبل کی امید ہیں، آپ کی باتوں اور اقدامات سے امید پیدا ہوتی ہے۔ سوم، استقامت سب سے اہم ہے۔ دشمن آپ کو میدان سے نکالنا چاہتا تھا لیکن آپ مضبوطی سے واپس آئے ہیں۔

حزب اللہ کے نائب سیکرٹری جنرل نے کہا کہ آپ کے کام کی اہمیت بہت زیادہ ہے۔ آپ روح، نور، بخشش، جہاد اور ترقی کی علامت ہیں۔ آپ اسلام، محمد و آل محمد صلی اللہ علیہ وآلہ وسلم، ولایت، امام خمینی رحمت اللہ علیہ اور امام خامنہ ای مد ظلہ العالی کے پیغام پر کاربند ہیں۔ آپ امام مہدی عجل اللہ تعالیٰ فرجہ الشریف کے پرچم کے منتظر ہیں اور سید حسن نصراللہ اور دیگر شہید رہنماؤں کے راستے پر چل رہے ہیں۔