اسرائیل کی امریکہ سے انصاراللہ کے حملوں کی روک تھام کے لیے شرم الشیخ معاہدے میں شمولیت کی درخواست

اسرائیل کی امریکہ سے انصاراللہ کے حملوں کی روک تھام کے لیے شرم الشیخ معاہدے میں شمولیت کی درخواست

ایک صہیونی اخبار نے انکشاف کیا ہے کہ اسرائیل نے امریکہ سے درخواست کی ہے کہ یمن کی انصاراللہ تحریک کی جانب سے اسرائیلی جہازوں پر حملوں کی روک تھام کو شرم الشیخ میں ممکنہ فائر بندی معاہدے کا حصہ بنایا جائے۔

یمنی چینل المسیرہ کے مطابق، صہیونی اخبار کالکالیست (Calcalist) نے رپورٹ دی ہے کہ ایلات بندرگاہ اب بھی بند ہے اور بین الاقوامی شپنگ کمپنیوں نے بحر احمر کے راستے اسرائیلی بندرگاہوں کی جانب جہاز بھیجنا بند کر دیا ہے۔

رپورٹ میں کہا گیا ہے کہ تل ابیب کی حکومت تاحال اس بحران کے حل کے لیے کوئی مؤثر اقدام نہیں کر سکی ہے، جس کی وجہ سے اسرائیل کو اقتصادی طور پر شدید نقصان اٹھانا پڑ رہا ہے۔

کالکالیست کے مطابق، ایلات بندرگاہ کے حکام نے واشنگٹن میں امریکی سفارتخانے سے رابطہ کر کے درخواست کی ہے کہ بحر احمر میں اسرائیل پر جاری انصاراللہ کے بحری محاصرے کے مسئلے کو شرم الشیخ میں طے پانے والے جنگ بندی مذاکرات میں شامل کیا جائے۔

یاد رہے کہ یمنی انصاراللہ تحریک نے گزشتہ ماهوں میں اسرائیل کی حمایت کرنے والے بحری جہازوں کو نشانہ بنایا ہے اور اعلان کیا ہے کہ جب تک غزہ پر حملے بند نہیں ہوتے، وہ اس محاصرے کو ختم نہیں کرے گی۔